თუ ოპოზიცია არეულობის მოწყობის შესაძლებლობას ამოწურავს, მოუწევს პარლამენტში შემოსვლა, - ამის შესახებ საპარლამენტო უმრავლესობის წევრმა, შალვა პაპუაშვილმა ჟურნალისტებთან საუბრისას განაცხადა.

შალვა პაპუაშვილმა „ნაციონალური მოძრაობის" თავმჯდომარის, ნიკა მელიას პატიმრობაზე ისაუბრა და აღნიშნა, რომ სასჯელაღსრულების დაწესებულების დატოვება თავად ნიკა მელიას ხელშია.

„ნიკა მელიას სასჯელაღსრულების დაწესებულებაში ყოფნა არ ყოფნის საკითხი თუკი მათთვის გადამწყვეტია, ეს გადაწყვეტილება თავად ნიკა მელიას ხელშია. გუშინ იყო მცდელობა სხვანაირად მიესაღებინათ ეს კიდევ ერთხელ ჩვენი მოსახლეობისთვის, საკითხი არის უმარტივესად - პროკურატურამ კიდევ ერთხელ გაიმეორა, იმ შემთხვევაში თუკი ნიკა მელია განაცხადებს თანხმობას, რომ მოექცეს სამართლებრივ ჩარჩოში, რომ გადაიხადოს გირაო, პროკურატურა, თავის მხრივ, მზად არის მიმართოს სასამართლოს.

ერთადერთი შესაძლებელია, რომ თუკი ისინი ნახავენ, რომ  ყველა შესაძლებლობა ამოწურეს ქვეყანაში არეულობის მოწყობისა, მაშინ მოუწევთ, გინდა არ გინდა, პარლამენტში შემოსვლა“, - განაცხადა შალვა პაპუაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კომუნიკაციების კომისიამ ტერმინების გამო ფორმულა 2 500 ლარით დააჯარიმა

საგამოძიებოს ცნობით, კორუფციულ და საფინანსო-ეკონომიკურ სფეროში ჩადენილი სამი დანაშაულებრივი ფაქტი გამოავლინეს

სასამართლოს გადაწყვეტილებით, EU-ს ტრასტებში შენახული რუსული აქტივების გაყინვაც შეუძლია

ყაზახეთმა ქვეყანაში „გაზპრომის“ აქტივების ჩამორთმევის ნებართვა გასცა უკრაინის მიერ შეტანილი 1.4 მილიარდი დოლარის ოდენობის სარჩელის შემდეგ