ბიძინა ივანიშვილის რეზიდენციასთან აქცია დასრულდა

2021-03-07 17:00:16, 600 ნახვა

საზოგადოება

ბიძინა ივანიშვილის რეზიდენციასთან მოძრაობა "საქართველოსთვის" მიერ ორგანიზებული აქცია დასრულდა.

როგორც ცნობილია, ბიძინა ივანიშვილის რეზიდენციასთან აქტივისტებსა და სამართალდამცავებს შორის დაპირისპირება მოხდა.

აქტივისტებს სურდათ წარწერების გაკეთება რისი უფლებაც მათ პოლიციამ არ მისცა.

როგორც აქციის ორგანიზატორები აცხადებენ სამარცხვინოა, როდესაც ქვეყანაში ახალგაზრდების მომავალს საფრთხე ემუქრება.

"ბერას მონებო" ასეთი სახის წარწერები აქტივისტებმა კედელზე მაინც გააკეთეს. ამ დროისთვის რეზიდენციის მიმდებარე ტერიტორიას პოლიციის რამდენიმე კორდონი იცავს.

"ამ შიზოფრენიკ ოჯახს მეტს აღარ შევარჩენთ", - აცხადებს აქციის მონაწილე.

აქციის ორგანიზატორები აცხადებენ, მათი მთავარი მიზანი „ტვ პირველის“ ეთერში გასულ ჩანაწერებში მონაწილე პირების წინააღმდეგ სამართლებრივი პასუხისმგებლობის დადგომა და მათი თანამდებობიდან გადადგომაა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,