მერიაში კომუნიკაციის  ნაკლებობაა. „ექსპრესნიუსს“ მერიის საზოგადოებასთან ურთიერთობის ერთ-ერთმა თანამშრომელმა, არასწორი ინფორმაცია მოაწოდა. მან ვიცე მერის ხალხთან შეხვედრის ფაქტი არ დაადასტურა. 

ამან მოსახლეობის გაღიზიანება გამოიწვია. პეკინის 23 ა-ს მაცხოვრებლებმა „ექსპრესნიუსს“ მოაწოდეს ვიდეო მასალა, სადაც ნათლად ჩანდა, თუ როგორ პირდებოდა ვიცე მერი ლაშა აბაშიძე ხალხს, რომ საბავშვო ბაღის ადგილას, პეკინის 23 ა -ში მრავალსართულიანი საცხოვრებელი ბინა არ აშენდებოდა.

ჩვენ მიერ გამოქვეყნებულ მასალას მერიიდან გამოეხმაურნენ და აღნიშნეს, რომ ვიცე მერს ლაშა აბაშიძესა და ხალხს შორის კომუნიკაცია შედგა.  მათ რამდენიმე დღის წინ გაკეთებული არასწორი განცხადება კომუნიკაციის ნაკლებობით ახსნეს.

„გიდასტურებთ ვიცე-მერის მოსახლეობასთან შეხვედრას. როგორც ჩანს დისკომუნიკაცია მოხდა ჩვენს  თანამშრომელთან, ვინც კომენტარი გააკეთა ამაზე. ვიცე მერი იმყოფებოდა შეხვედრაზე, მოსახლეობას უთხრა, რომ ჩაერთვებოდა ამ საკითხში და საბოლოო გადაწყვეტიუილებას მათ აცნობებდა, ეს იყო შეხვედრის შინაარსი“, - აცხადებს „ექსპრესნიუსთან“ მერიის საზოგადოებასთან ურთიერთობის სამსახურის ხელმძღვანელი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ავტობანზე ავარიისას 2 ადამიანი დაშავდა

პენიტენციური სამსახური -სინამდვილეს არ შეესაბამება თითქოს გიორგი ფეიქრიშვილი დეესკალაციის ოთახში იმყოფება და ჭრილობებიდან სისხლდენა აღენიშნება

ჟურნალისტური ეთიკის ქარტია პროკურატურას მიმართავს გასაჯაროვდეს ასავალ-დასავალის ჟურნალისტის საქმის მტკიცებულებები

პლენუმმა კონსულტაციისთვის პარტიებზე სარჩელის სტრასბურგში გაგზავნაზე უარი თქვა