2021-02-20 13:26:24, 563 ნახვა

---

სალომე სამადაშვილი - ვაპირებთ, ივანიშვილის რეჟიმს წინააღმდეგობა შიდა და გარე რესურსების მობილიზებით გავუწიოთ

„ნაციონალური მოძრაობის“ წევრის, სალომე სამადაშვილის განცხადებით, ოპოზიცია აპირებს, შიდა და გარე რესურსების მობილიზებით ივანიშვილის რეჟიმს წინააღმდეგობა გაუწიოს.

მისი თქმით, ოპოზიცია ივანიშვილის რეჟიმთან წინააღმდეგობას იქამდე გააგრძელებს, ვიდრე „ქართული ოცნება“ პოლიტიკური კრიზისიდან გამოსავალზე არ შეთანხმდება.

„ვხედავთ, რომ ძალიან გაიზარდა და ეფექტიანი გახდა ჩვენი საერთაშორისო პარტნიორების მხრიდან ჩართულობა. ჩვენ ვაპირებთ, რომ სწორედ შიდა და გარე რესურსების მობილიზაციით წინააღმდეგობა გავუწიოთ ივანიშვილის რეჟიმს იქამდე, სანამ არ მივაღწევთ იმას, რომ შეწყდეს პოლიტიკური დევნა ნიკა მელიასა და სხვა ადამიანების წინააღმდეგ. ჩვენ ასევე მივაღწევთ იმასაც, რომ ვაიძულოთ „ქართული ოცნება“, შეთანხმდეს პოლიტიკური კრიზისიდან გამოსავალზე“, - განაცხადა სალომე სამადაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი