„ხელისუფლებას, სავარაუდოდ, ეძებს განტევების ვაცებს, რომ ამ პოლიტიკური კრიზისიდან გამოძვრეს, თუმცა თამარ ჟვანია ვერანაირად ვერ იქნება განტევების ვაცი“, - ამის შესახებ „ნაციონალური მოძრაობის“ ლიდერმა, ზაალ უდუმაშვილმა განაცხადა.

მისივე თქმით, აუცილებელია თამარ ჟვანიას გადადგომა, თუმცა, ამასთან ერთად, საჭიროა საარჩევნო სისტემის შეცვლა. წინააღმდეგ შემთხვევაში, ცესკოს ხელმძღვანელად „ქართულ ოცნებას“ ახალი თამარ ჟვანია ეყოლება.

„თამარ ჟვანიას აუცილებლად მოუწევს წასვლა. ხელისუფლებას, სავარაუდოდ, ეძებს განტევების ვაცებს რომ ამ პოლიტიკური კრიზისიდან რაღაცნაირად გამოძვრეს თუმცა მინდა აღვნიშნო, რომ თამარ ჟვანია ვერანაირად ვერ იქნება განტევების ვაცი. თამარ ჟვანია არის ჩვეულებრივ დამნაშავე, რომელმაც 31 ოქტომბრის არჩევნები გააყალბა. ის არის ბიძინა ივანიშვილის დაკვეთების მთავარი შემსრულებელი, შესაბამისად, თამარ ჟვანია ახლა კი არა 1-ელ ნოემბერს უნდა გადამდგარიყო. ახლა მისი გადადგომა-არგადადგომა რეალურ სურათს ვერ შეცვლის. ის, რომ თამარ ჟვანია უნდა გადადგეს, ასეა, მაგრამ მის გადადგომასთან ერთად თუ არ შეიცვალა მთლიანად საარჩევნო სისტემა და არ განახლდა ცესკო, ახალი თამარ ჟვანია ეყოლება „ქართულ ოცნებას“ რომ დანიშნოს“, - განაცხადა ზაალ უდუმაშვილმა.

შეგახსენებთ, რომ მედიაში გავრცელდა ინფორმაცია თამარ ჟვანიას გადადგომის შესახებ, რასაც ცესკოში არ ადასტურებენ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ

ისრაელის პრეზიდენტმა გადი აიზენკოტს დაავალა მთავრობის ფორმირება

აქცია ვეკუას სკოლასთან

Bloomberg - ევროპამ უარი თქვა რუსეთის უსაფრთხოების მოთხოვნების განხილვაზე მანამ, სანამ უკრაინაში ომი არ დასრულდება