ამერიკის შეერთებული შტატები COVAX-პლატფორმის მხარდასაჭერად დამატებით ორ მილიარდ დოლარს გამოყოფს.

ამის შესახებ ნათქვამია თეთრი სახლის ოფიციალურ ვებგვერდზე გამოქვეყნებულ განცხადებაში.

როგორც პრეზიდენტის ადმინისტრაცია აღნიშნავს, აღნიშნული თანხის გამოყოფა 2021-2022 წლებში მოხდება.

„მთელ მსოფლიოში ვირუსის გავრცელების გაგრძელებასა და ახალი ვარიანტების წარმოშობასთან ერთად, ნათელია, რომ უმნიშვნელოვანესია, რაც შეიძლება მეტი ადამიანისთვის ვაქცინაციის რაც შეიძლება სწრაფად ჩატარება. ხვალ „დიდი შვიდეულის” შეხვედრაზე პრეზიდენტი განაცხადებს, რომ ის აპირებს, გადადგას კონკრეტული ნაბიჯები წარადგენს კონკრეტული ნაბიჯები, რომლის მიზანი მსოფლიოს მოწყვლადი მოსახლეობის დაცვით ამერიკელების ჯანმრთელობისა და უსაფრთხოების დაცვაა. COVID-19-მა გვაჩვენა, რომ მასთან დამოუკიდებლად ბრძოლას ვერც ერთი ქვეყანა ვერ შეძლებს. დღეს პრეზიდენტი ბაიდენი გადამწყვეტ ზომებს იღებს პანდემიისგან არამხოლოდ ამერიკის მოქალაქეების, არამედ მსოფლიოში ყველაზე დაუცველი ქვეყნების მოსახლეობის დასაცავად“, - აღნიშნულია განცხადებაში.

შეგახსენებთ, რომ COVAX-ის პროგრამა მიზნად დაბალი შემოსავლების მქონე ქვეყნებში ვაქცინაციის ხელშეწყობას ისახავს. აშშ-ის მთავრობამ COVAX-პლატფორმის მხარდასაჭერად 2 მილიარდი დოლარი აქამდეც გამოყო.

ავტორი: ექსპრესნიუსი,

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო