2021-02-18 09:14:42, 486 ნახვა

---

სენატორი რიში - ბატონი მელიასთვის თავისუფლების აღკვეთა კიდევ ერთი პოლიტიკურად მოტივირებული პატიმრობაა

„დღევანდელი გადაწყვეტილება ქართული დემოკრატიისთვის სახიფათოა“, - ასე გამოეხმარა ამერიკელი სენატორი ჯიმ რიში „ამერიკის ხმასთან“ ინტერვიუში „ერთიანი ნაციონალური მოძრაობის“ ლიდერის, ნიკა მელიას წინასწარი პატიმრობის მისჯას.

რიშის თქმით, მელიასთვის თავისუფლების აღკვეთა კიდევ ერთი პოლიტიკურად მოტივირებული პატიმრობაა, რაც ძალიან ხშირ მოვლენად იქცა.

„ბატონი მელიასთვის თავისუფლების აღკვეთა კიდევ ერთი პოლიტიკურად მოტივირებული პატიმრობაა, რაც ძალიან ხშირ მოვლენად იქცა და აუცილებლად გაართულებს მიმდინარე მოლაპარაკებებს ქართულ პოლიტიკურ პარტიებს შორის, საქართველოს მმართველობის შესახებ. ჩემი წუხილები ქართული სასამართლოს დამოუკიდებლობის გაუარესებაზე, დღევანდელმა მოვლენებმა კიდევ უფრო გაამძაფრა“, - ამბობს ამერიკელი სენატორი.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი