2021-02-10 13:47:35, 514 ნახვა

---

კახა კუჭავა - ექსპრეზიდენტისგან არ გვიკვირს შეურაცხმყოფელი განცხადებები, ახლა უკრაინულ ლანძღვა-გინებაზე გადავიდა

„ქართული ოცნების“ წევრი კახა კუჭავა გამოეხმაურა ყოფილი პრეზიდენტის, მიხეილ სააკაშვილის განცხადებას, სადაც მან უკრაინის ელჩს საქართველოში კორუმპირებული უწოდა.

როგორც კუჭავა ამბობს, ექსპრეზიდენტისგან არ უკვირს შეურაცხმყოფელი განცხადებები.

 „ჩვენი ექსპრეზიდენტისგან არ გვიკვირს შეურაცხმყოფელი განცხადებები, ადრე თუ იყო საქართველოს მიმართულებით, ახლა გადავიდა უკრაინულ ლანძღვა-გინებაზე.  თან ელჩის მიმართ, რომელიც წლებია უკვე საქართველოში არის და საკმაოდ აქტიურია თანამშრომლობის კუთხით. ელჩის მხრიდან არ იყო მოწონებული ის მოწოდებები, რაც საქართველოს მიმართ განახორციელა უკრაინის მოქალაქემ და შესაბამისი რეაგირება გააკეთა“, - განაცხადა კახა კუჭავამ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი