2021-02-09 12:19:32, 364 ნახვა

---

იაგო ხვიჩია აცხადებს, რომ თუ „ქართული ოცნება“ ჩაატარებს პროპორციულ არჩევნებს ბუნებრივი ბარიერით, პარლამენტში შევა

„პროპორციული არჩევნები ბუნებრივი ბარიერით დადოს „ქართულმა ოცნებამ“ და აქედან პირდაპირ ჩავდივარ პარლამენტში“, - ამის შესახებ „გირჩის“ წევრმა, იაგო ხვიჩიამ განაცხადა.

როგორც ის აღნიშნავს, მხოლოდ 0%-იანი ბარიერი რომ ყოფილიყო საკმარისი, უკვე პარლამენტში იქნებოდნენ.

„საკმარისი რომ ყოფილიყო, უკვე იქ ვიქნებოდით, მაგრამ საკმარისი არ არის, იქიდან გამომდინარე, რომ ეს არის მხოლოდ პირველი ნაბიჯი, რომ ამაზე საუბარი დავიწყოთ. კარგია, რომ საუბარი დაიწყო ამ თემაზე და არ ჩაიკეტა გზები და ხელისუფლებამ თქვა რომ შეგვიძლია ამ მიმართულებით ვიმუშაოთ. პროპორციული არჩევნები ბუნებრივი ბარიერით დადოს „ქართულმა ოცნებამ“ და აქედან პირდაპირ ჩავდივარ პარლამენტში“, - განაცხადა იაგო ხვიჩიამ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი