მთავრობის ადმინისტრაციას კახაბერ ქემოკლიძე უხელმძღვანელებს

2021-02-04 11:21:09, 470 ნახვა

პოლიტიკა

საქართველოს პრემიერ-მინისტრის გიორგი გახარიას განცხადებით, მთავრობის ადმინისტრაციას კახაბერ ქემოკლიძე უხელმძღვანელებს.

„მინდა, წარმოგიდგინოთ მთავრობის ადმინისტრაციის ახალი ხელმძღვანელი, ბატონი კახა ქემოკლიძე. ის ჩვენს გუნდში წლებია, მუშაობს, არის ერთ-ერთი ღირსეული საჯარო მოხელე. წლების განმავლობაში ემსახურება თავის ქვეყანასა და გუნდს. მას აქვს დიდი გამოცდილება ქვეყნის მსახურებაში. ბოლო პერიოდში კახა გახლავთ ეროვნული უსაფრთხოეის აპარატის ხელმძღვანელი. იგი მონაწილეობას იღებდა ქვეყნისთვის ისეთ მნიშვნელოვან ღონისძიებებში, როგორიც არის ჟენევის მოლაპარაკებები. მას საკმარისი ცოდნა აქვს იმისთვის, რომ გაუძღვეს მთავრობის ადმინისტრაციის ეფექტურ მუშაობას“, – განაცხადა გიორგი გახარიამ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან