ჯანმოს ექსპერტები ქალაქ ვუჰანში იმ სურსათის ბაზარს გამოიკვლევენ, საიდანაც სავარაუდოდ პირველად კორონავირუსი გავრცელდა, - ამის შესახებ ინფორმაციას „ეიბისი“ ავრცელებს.

მედიის ცნობით, გუნდის წევრები შუადღისას დაახლოებით ერთი საათის განმავლობაში ესტუმრნენ ხუანანის ზღვის პროდუქტების ბაზარს.

მეცნიერებს აქვთ ეჭვი, რომ ვირუსი იმ გარეული ცხოველებისგან გავრცელდა, რომელიც სწორედ ვუჰანში მდებარე ამ ბაზარში იყიდებოდა. შემდგომ ეს ბაზარი დახურეს, თუმცა მისი შესწავლა შესაძლოა მსოფლიო დონის კვლევას გარკვეულწილად დაეხმაროს.

„ეს შეიძლება ძალიან მნიშვნელოვანი ფაქტორი აღმოჩნდეს“, - აცხადებს ჯანმოს გუნდის წევრი პიტერ დასზაკი.

ექსპერტებმა ასევე მოინახულეს ბაიშაჟოუს ბაზარი, რომელიც ვუჰანისთვის ერთგვარად საკვები პროდუქტების ცენტრია.

მეტი ინფორმაციისთვის გეტყვით, რომ ჯანმოს წევრები, ვეტერინარიის, ვირუსოლოგიის, სურსათის უვნებლობისა და ეპიდემიოლოგიის ექსპერტიზით, ასევე ეწვივნენ ვუჰანში არსებულ ორ საავადმყოფოს - ვუჰან ჯინიინტანის საავადმყოფოს და ჰუბეის ინტეგრირებულ ჩინურ და დასავლეთ მედიცინის საავადმყოფოს.

შაბათს, მათ ასევე მოინახულეს მუზეუმი, რომელიც ჩინეთში COVID-19-ის გავრცელების ადრეულ ისტორიას ეძღვნება.

ჯანმოს მიერ ორგანიზებულ გამოძიებას ჩინეთის ხელისუფლების მხრიდან მრავალი დაბრკოლება შეხვდა და როგორც საერთაშორისო სააგენტოები იუწყებიან, საგამოძიებო ჯგუფს ქვეყანაში უმკაცრესად აკონტროლებენ.

ავტორი: ექსპრესნიუსი,

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო