2021-01-30 15:16:09, 506 ნახვა
მსოფლიო
თეთრ სახლში ადასტურებენ, რომ ბაიდენმა პუტინს ნავალნის გათავისუფლებისკენ მოუწოდა
თეთრი სახლის პრესსპიკერმა, ჯენ საკიმ დაადასტურა, რომ აშშ-ის პრეზიდენტმა, ჯო ბაიდენმა, რუსეთის პრეზიდენტთან, ვლადიმერ პუტინთან სატელეფონო საუბარში მას დაკავებული ოპოზიციონერის, ალექსეი ნავალნის გათავისუფლებისკენ მოუწოდა.
აღნიშნულის შესახებ ჯენ საკიმ პრესკონფერენციაზე განაცხადა, რომელსაც Reuters-ი ავრცელებს.
ჟურნალისტის შეკითხვაზე, მოუწოდა თუ არა კონკრეტულად პრეზიდენტმა ბაიდენმა ვლადიმერ პუტინს ნავალნის გათავისუფლებისკენ, ის აცხადებს, რომ ეს ასეა.
"დიახ, ჯო ბაიდენმა მოუწოდა ვლადიმერ პუტინს, ისევე როგორც ჩვენ, ჩვენი გუნდი მოუწოდებდა საჯაროდ ბოლო რამდენიმე კვირის განმავლობაში. რაც შეეხება საუბრის სხვა საკითხებს, მე ამაზე მეტი დეტალი არ ვიცი", - განაცხადა სპიკერმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
