2021-01-19 09:58:33, 872 ნახვა
მსოფლიო
იტალიის პარლამენტის ქვედა პალატამ ჯუზეპე კონტეს მთავრობას ნდობა გამოუცხადა
იტალიის პარლამენტის ქვედა პალატამ პრემიერ-მინისტრ ჯუზეპე კონტეს მთავრობას ნდობა გამოუცხადა.
ამის შესახებ „როიტერსი“ წერს.
სააგენტოს ცნობით, 629 კაციანი პალატიდან მინისტრთა კაბინეტს მხარი 321-მა დეპუტატმა დაუჭირა, 259 წინააღმდეგ წავიდა, ხოლო 27-მა კენჭისყრისგან თავი შეიკავა.
დღეს, 19 იანვარს კონტეს მთავრობა უფრო რთული გამოწვევის წინაშე დადგება, რადგან ახლა ნდობის საკითხს კენჭს იტალიის სენატი უყრის.
ცნობისთვის, იტალიაში პოლიტიკური კრიზისი მას შემდეგ დაიწყო, რაც პარტია „ცოცხალმა იტალიამ“ მინისტრთა კაბინეტი დატოვა. ამ ყოველივემ კორონავირუსის პანდემიის ფონზე არსებული კრიზისი კიდევ უფრო გაამწვავა.
ავტორი: ექსპრესნიუსი,
epn.ge (@expressnews.ge)
