2020-12-04 12:22:03, 1023 ნახვა

---

ბათუმში, საკეისრო კვეთის შემდეგ გარდაცვლილ 31 წლის კოვიდინფიცირებულ ქალს, თანმხლები დაავადებები არ ჰქონია

ჯანდაცვის მინისტრის მოადგილემ, თამარ გაბუნიას განცხადებით, ბათუმში საკეისრო კვეთის შემდეგ გარდაცვლილ კოვიდინფიცირებულ ქალს, თანმხლები დაავადებები არ ჰქონია.

მისი თქმით, მიმდინარეობს მოკვლევა შესაბამისი უწყებების მხრიდან.

„ჯანდაცვის სამინისტრო სწავლობს შემთხვევას. სამწუხაროა, როდესაც ასეთ მდგომარეობაში ხდება გარდაცვალება, მაქვს ორსულობა მხედველობაში. ის ინფორმაცია, რომელიც კლინიკიდან გვაქვს მიუთითებს, რომ ეტაპები, რომელიც გაიარა პაციენტმა, იყო ის ეტაპები, რომელიც რეალურად პროტოკოლით არის გათვალისწინებული. უფრო ჩაღრმავებულ ანალიზს გავაკეთებთ, გარდაცვალება უკავშირდება ფილტვის მძიმე დაზიანებას. კონკრეტულ შემთხვევაში ქალბატონს თანმხლები დაავადება და სხვა მიზეზი, რასაც შესაძლოა გამოწვია მდგომარეობის გაუარესება არ ფიქსირდება. ჩატარდება შემთხვევის ღრმა ანალიზი“, - განაცხადა თამარ გაბუნია.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი