ხელისუფლებამ სხვა გზა არ დაგვიტოვა გარდა იმისა, რომ არ შევიდეთ პარლამენტში, - ამის შესახებ „ნაციონალური მოძრაობის“ ერთ-ერთმა ლიდერმა, ზაალ უდუმაშვილმა ჟურნალისტებს განუცხადა.

უდუმაშვილი ევროპარლამენტის განცხადებასაც გამოეხმაურა და აღნიშნა, რომ პოლიტიკურ პროცესზე პასუხისმგებლობა ოპოზიციასთან ერთად ხელისუფლებასაც ეკისრება.

„განცხადებებში, რომელიც ჩვენ ბოლო პერიოდში არაერთხელ მოვისმინეთ, საუბარი იყო იმაზეც, რომ ოპოზიციას უნდა მისცემოდა საშუალება, რომ თავისი სიმართლე დაემტკიცებინა იმ საჩივრების მეშვეობით, რომლის განხილვაც არ მოხდა. პრაქტიკულად, ყველა სამართლებრივი გზა დაგვიკეტეს იმისთვის, რომ თანამოქალაქეების ხმებისთვის გვებრძოლა. ხელისუფლებამ სხვა გზა არ დაგვიტოვა გარდა იმისა, რომ არ შევიდეთ პარლამენტში. ეს არის ჩვენი პროტესტის ფორმა. რაც შეეხება პასუხისმგებლობას, დიახ, პასუხისმგებლობა ყველამ უნდა აიღოს საკუთარ თავზე. მათ შორის უპირველეს ყოვლისა, პასუხისმგებლობა ხელისუფლებას ეკისრება, რომელსაც ჯერჯერობით არცერთი კომპრომისული ნაბიჯი არ გადაუდგამს. ჩვენ არც ერთი წინადადება არ მოგვისმენია, თუ როგორ უნდა გამოვიდეთ კრიზისიდან“, - განაცხადა ზაალ უდუმაშვილმა.

შეგახსენებთ, რომ ევროპარლამენტარებმა საქართველოს ყველა პოლიტიკურ აქტორს პასუხისმგებლობის გამოვლენისა და აუცილებელი კომპრომისის მოძებნისაკენ მოუწოდეს.

ავტორი: ექსპრესნიუსი,

სოციალური ქსელები

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები

შეავსე განაცხადი 2026 წლის მასწავლებლის ეროვნულ ჯილდოზე - პროექტის მხარდამჭერი საქართველოს ბანკია