2020-11-18 12:41:55, 769 ნახვა
პოლიტიკა
ეს იყო მდუმარე, მაგრამ ყველაზე ხმამაღალი აქცია - რუსთაველზე ოპოზიციის მსვლელობა დასრულდა
რუსთაველის გამზირზე, სადაც ოპოზიციური პარტიები და მათი მხარდამჭერები, საქართველოში აშშ-ს სახელმწიფო მდივნის ვიზიტის პარალელურად აქციას მართავნდნენ, უკვე დასრულდა.
როგორც ენმ-ს ერთ-ერთმა ლიდერმა, ზაალ უდუმაშვილმა განაცხადა, აღნიშნული აქცია იყო მდუმარე, მაგრამ ყველაზე ღმამაღალი.
„ეს იყო მდუმარე, მაგრამ ყველაზე ხმამაღალი აქცია, იმიტომ რომ ჩვენი მდუმარებით ჩვენ მსოფლიოს გავაგონეთ, რა მძიმე მდგომარეობაში იმყოფება დღეს ქვეყანა, დიდი მადლობა ყველას, ასეთი ძლიერი ერთად დგომისთვის და უკვე დიდი ხანია, რაც ასეთი აქცია თბილისს არ ახსოვს, დიდი მადლობა ყველას და საბოლოო გამარჯვებას ჩვენ ყველა ერთად, მალე ვიზეიმებთ“, - განაცხადა ზაალ უდუმაშვილმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
