2020-11-10 23:40:56, 578 ნახვა
პოლიტიკა
აშშ-ს სახელმწიფო მდივანი, მაიკ პომპეო საქართველოს 17 ნოემბერს ეწვევა
აშშ-ს სახელმწიფო მდივანი, მაიკ პომპეო საქართველოს 17 ნოემბერს ეწვევა.
ამის შესახებ ინფორმაციას საქართველოს საგარეო საქმეთა მინისტრი, დავით ზალკანიანი სოციალურ ქსელში აქვეყნებს.
მისი განცხადებით შეხვედრის დროს რეგიონული უსაფრთხოებისა და ევრო-ატლანტიკური ინტეგრაციის საკითხებზე ისაუბრებენ.
„ველით საქართველოში სახელმწიფო მდივან პომპეოს ვიზიტს და ნაყოფიერ შეხვედრებს აშშ-საქართველოს სტრატეგიული პარტნიორობის, რეგიონული უსაფრთხოების, ევრო-ატლანტიკური ინტეგრაციის და ჩვენი დემოკრატიული რეფორმების დღის წესრიგის მიმართულებით“, - წერს დავით ზალკანიანი.
მაიკ პომპეო ვიზიტის ფარგლებში საქართველოს პრემიერ-მინისტრს, საქართველოს პრეზიდენტს, საგარეო საქმეთა მინისტრსა და კათალიკოს-პატრიარქს შეხვდება.
ავტორი: ექსპრესნიუსი,
epn.ge (@expressnews.ge)
