2020-11-03 13:53:52, 516 ნახვა

---

ამირან გამყრელიძე - პოლიტიკურ პროცესს ვერავინ აკრძალავს და გააჩერებს, თუმცა ყველამ უნდა დავიცვათ წესები

დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ თბილისში მიმდინარე აქციების შესახებ განაცხადა, რომ პოლიტიკურ პროცესს ვერავინ აკრძალავს, თუმცა ყველამ უნდა დაიცვას წესები, რომელიც არსებობს ქვეყანაში.

მისი თქმით, „კარგია, რომ მანდატორული პირბადის ტარება სავალდებულო გახდა, ამიტომ წესები ყველამ უნდა დაიცვას.

„იმ აქციებზე, რომელიც პოლიტიკური ცხოვრების ნაწილია, ყველა უნდა გავითვალისწინოთ, რომ დავიცვათ წესი. ვირუსმა არ იცის აქცია და სხვა ტიპის შეკრება. ვირუსისთვის ყველა ერთი და იგივეა. უნდა ვიზრუნოთ ერთმანეთის ჯანმრთელობაზე. პოლიტიკურ პროცესს ვერავინ აკრძალავს და გააჩერებს ქვეყანაში, მაგრამ კეთილი ვინებოთ და ყველამ დავიცვათ ის წესი, რომელიც ყველა ქვეყანაში არსებობს“, – განაცხადა გამყრელიძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი