2020-11-02 14:19:48, 586 ნახვა
პოლიტიკა
„პატრიოტათა ალიანსი“ მანდატებზე უარს აცხადებს
„პატრიოტათა ალიანსი“ მანდატებზე უარს აცხადებს, - ამის შესახებ „პატრიოტთა ალიანსის“ პოლიტიკურმა მდივნმა, გოჩა თევდორაძემ განაცხადა.
პარტიაში მიიჩნევენ, რომ არჩევნები ტოტალურად გაყალბდა.
„რადგან არჩევნები ტოტალურად გაყალბდა, ჩვენ მივიღეთ გადაწყვეტილება, ამ არჩევნების შედეგებით მოწვეულ პარლამენტში მონაწილეობა არ მივიღოთ“, - აღნიშნა თევდორაძემ.
შეგახსენებთ, რომ ცესკოს ბოლო მონაცემებით, „პატრიოტთა ალიანსმა“ არჩევნებში 3,14% აიღო. რამდენიმე წუთის წინ გახდა ცნობილი, რომ პარლამენტში არ შევა არც „ევროპული საქართველო“. პარალელურად რამდენიმე ოპოზიციურ პარტიაში ბრიფინგი ჩაინიშნა. რამდენიმე საათში გახდება ცნობილი სხვა ოპოზიციური პარტიები იტყვიან თუ არა უარს მანდატებზე.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
