საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრისა“ და საერთაშორისო განათლების ამერიკული საბჭოების ორგანიზებით, მედიაციის სახლში პროექტი „ნაბიჯი წარმატებისკენ“ განხორციელდა.

მასში დანაშაულის პრევენციის ცენტრის ახალგაზრდული პროგრამების ბენეფიციარები მონაწილეობდნენ.

ორდღიანი ტრენინგის ფარგლებში არასრულწლოვნები გაეცნენ ისეთ თემებს, როგორიცაა მოხალისეობა, სამოქალაქო ჩართულობა, გაცვლითი პროგრამები, რეზიუმეს წერა, სამოტივაციო წერილი, გასაუბრების ტექნიკები, პროექტის მართვა.

პროექტის მიზანია, ახალგაზრდების სამოქალაქო თვითშეგენების ამაღლება. პროექტის მონაწილეებს გადაეცათ სერტიფიკატები და ამავე პროექტის ფარგლებში მომავალში შეძლებენ მიიღონ მონაწილეობა მცირე გრანტების კონკურსში, რომელიც მათივე თემის განვითარებაზე იქნება ორიენტირებული. პროექტი საინიციატივო ჯგუფის - „ნაბიჯი მომავლისკენ“ - მხარდაჭერით განხორციელდა. მასში ჩართულები იყვნენ პროგრამების „ლიდერთა სახლის“, „მოხალისეს“, „ახალგაზრდული კლუბის“ აქტიური მონაწილეები.

 აღნიშნული პროექტი თბილისის გარდა ქუთაისში, ბათუმსა და ახალციხეში ჩატარდება, სადაც ასევე იქნებიან ჩართული დანაშაულის პრევენციის ცენტრის არასრულწლოვანი ბენეფიციარები.

იუსტიციის სამინისტროს სსიპ „დანაშაულის პრევენციის ცენტრი“  არასრულწლოვნებში დანაშაულის ადრეული, პირველადი პრევენციის მიზნით სხვადასხვა ინოვაციურ პროგრამა/პროექტებს ახორციელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ

პენტაგონი ახლო აღმოსავლეთში განლაგებული ობიექტებიდან ჯარისკაცების ნაწილს გაიყვანს

ევროკავშირის ქვეყნები უკრაინის კონფლიქტის მოგვარებაზე რუსეთთან მომლაპარაკებლის კანდიდატურას განიხილავენ