საქართველოს თავდაცვის მინისტრის მოადგილე ანა დოლიძე „საქართველოს პროგრესული ფორუმის“ ფარგლებში გამართული სემინარის მონაწილე სტუდენტებს სოციალური სამართლიანობის თემაზე ესაუბრა. ფორუმში საქართველოს მასშტაბით შერჩეული ახალგაზრდები მონაწილეობენ. პროექტის ორგანიზატორი კი „საქართველოს პროგრესული ფორუმი“ და ფრიდრიხ ებერტის ფონდია.

ანა დოლიძემ სტუდენტებთან შეხვედრისას თავდაცვის სამინისტროს საქმიანობაში სოციალური სამართლიანობის მნიშვნელობაზე გაამახვილა ყურადღება და ახალგაზრდებთან დისკუსიაც გამართა.

„სოციალური სამართლიანობის იდეა ძალიან მნიშვნeლოვანია სამინისტროს საქმიანობაში. ჩვენი გადაწყვეტილების მიღების პროცესში მნიშვნელოვანია ვალდებულებებისა და სიკეთეების სამართლიანი გადანაწილება. ამ იდეაზე ვისაუბრე დღეს პროგრესული ფორუმის ფარგლებში. საინტერესო დისკუსია გაიმართა. სასიამოვნო იყო სამინისტროს იდეების პროგრესული ახალგაზრდებისთვის გაზიარება. იმედი მაქვს, მსგავსი შეხვედრები კიდევ გვექნება“,- განაცხადა თავდაცვის მინისტრის მოადგილემ.

საქართველოს პროგრესული ფორუმი ნატახტარში, სასტუმრო „ვანილა სქაი“-ში 18 სექტემბრიდან იმართება და 21 სექტემბრამდე გაგრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ

პენტაგონი ახლო აღმოსავლეთში განლაგებული ობიექტებიდან ჯარისკაცების ნაწილს გაიყვანს

ევროკავშირის ქვეყნები უკრაინის კონფლიქტის მოგვარებაზე რუსეთთან მომლაპარაკებლის კანდიდატურას განიხილავენ