20 სექტემბერს,  საქართველოს სასჯელაღსრულებისა და პრობაციის სამინისტროს 14 თანამშრომელი საქართველოში ამერიკის შეერთებული შტატების საელჩოს საერთაშორისო ნარკოტიკებისა და კანონის აღსრულების ბიუროს (INL) მიწვევით, სასწავლო ვიზიტით  ამერიკის შეერთებულ შტატებში მიემგზავრება.

სასჯელაღსრულებისა და პრობაციის მინისტრმა კახა კახიშვილმა მადლობა გადაუხადა აშშ-ის მხარდაჭერისათვის და თანამშრომლებს სასწავლო კურისის წარმატებით გავლა უსურვა.

„ამერიკის შეერთებული შტატების  საელჩო უკვე ერთი წელია ეხმარება სასაჯელაღსრულებისა და პრობაციის სამინისტროს თანამშრომლებს კვალიფიკაციის ამაღლებაში. სასწავლო კურსს, რომელსაც ჩვენი თანამშრომლები ვისკონსინის შტატში გაივლიან, ძალიან დიდი მნიშვნელობა აქვს სასჯელაღსრულების სისტემაში უსაფრთხოების სტანდარტის ამაღლების მიმართულებით“, - განაცხადა კახა კახიშვილმა.

ტრენინგის ფარგლებში  სამინისტროს თანამშრომლები სამი კვირის განმავლობაში  ვისკონსინის შტატის ქალაქ ოშკოშსა და მედისონში შეხვედრას გამართავენ  სასჯელაღსრულების დეპარტამენტის თანამშრომლებთან და დაათვალიერებენ  შტატის სასჯელაღსრულების დაწესებულებებს.  ადგილზე გაეცნობიან ციხის მართვის თანამედროვე პრაქტიკას და მულტიდისციპლინური გუნდის მუშაობის სპეციფიკას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ

პენტაგონი ახლო აღმოსავლეთში განლაგებული ობიექტებიდან ჯარისკაცების ნაწილს გაიყვანს

ევროკავშირის ქვეყნები უკრაინის კონფლიქტის მოგვარებაზე რუსეთთან მომლაპარაკებლის კანდიდატურას განიხილავენ