მარიანა ჩოლოიანის ადვოკატი არ გამორიცხავს, რომ ლუკა სირაძეს თავი კი არ მოეკლა, არამედ გადმოვარდნილიყო.

ადვოკატის თქმით, აღნიშნულთან დაკავშირებით ექსპერტიზა დაცვის მხარემ ჩაატარა.

„გარდაცვლილი ახალგაზრდას, როდესაც იგი გადმოვარდა მაღალსართულიანი საცხოვრებელი კორპუსიდან, ჩაუტარდა ექსპერტიზა და დადგინა, რომ იგი ნარკოტიკული ზემოქმედების ქვეშ იყო. ასევე ფაქტია, რომ გარკვეული სახის დისკრიმინაცია იყო დედის მხრიდან, რომ ერთი შვილით იყო ძალიან კმაყოფილი და მისი პატარა შვილი, ლუკა სირაძე იყო ადამიანი, რომელიც პრობლემებს უქმნიდა.

ჩატარდა ექსპერტიზა, რომელიც არა გამოძიებამ, არამედ დაცვის მხარემ ჩაატარა. ექსპერტიზით დადგინდა, რომ ამ შემთხვევაში უფრო არის თავისუფალი ვარდნა, ანუ გადმოვარდნა უფრო შეიძლება იყო ის, რაც შემთხვევის ადგილზე ნახეს და არა ვინმეს მხრიდან თავის მოკვლა. ამიტომ, მხოლოდ იმაზე აპელირება, რომ ლუკა სირაძემ საგამოძიებო ორგანოს დატოვების შემდეგ თავი მოიკლა, არასწორია“, - განაცხადა ადვოკატმა.

შეგახსენებთ, რომ 15 წლის მოზარდი ლუკა სირაძე, რომელმაც პოლიციაში გამოკითხვის შემდეგ თვითმკვლელობა სცადა, 17 დეკემბერს საავადმყოფოში გარდაიცვალა. საქმეზე დაკავებულია გამომძიებელი მარიანა ჩოლოანია, რომელსაც თბილისის საქალაქო სასამართლომ 3 წლით თავისუფლების აღკვეთა მიუსაჯა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო