საპარლამენტო უმრავლესობის წევრის, მამუკა მდინარაძის განცხადებით, მარნეულში მომხდარი დაპირისპირება იმ მრავალდღიანი პროვოკაციული მოქმედებების გაგრძელებაა, რაზეც „ოცნების“ აქტივისტები წამოეგნენ.

როგორც მან აღნიშნა, მომხდარი ფაქტი სამწუხარო და ცალსახად დასაგმობია.

„ძალადობას არანაირი გამართლება არ აქვს. იყო გაგრძელება იმ მრავალდღიანი პროვოკაციული მოქმედებების, რაზეც ჩვენი წარმომადგენლები გუშინ საღამომდე არ წამოეგნენ, მაგრამ გუშინ საღამოს, სამწუხაროდ, მათ შეძლეს პროვოკაციაზე წამოეგოთ ჩვენი მარნეულის წარმომადგენლები და აქტივისტები, შემდეგ მოხდა ფიზიკური დაპირისპირება. ეს ძალიან სამწუხაროა და ცალსახად დასაგმობია“, - განაცხადა მამუკა მდინარაძემ.  

ცნობისთვის, გუშინ ღამით მარნეულში მომხდარი დაპირისპირებისას „ნაციონალური მოძრაობის“ წარმომადგენლები, და „მთავარი არხის“ ჟურნალისტები დაშავდნენ, ხოლო „პირველი არხის“ ოპერატორს კამერა დაუმტვრიეს და ფიზიკური შეურაცხყოფა მიაყენეს. შინაგან საქმეთა სამინისტრომ მომხდარზე გამოძიება ჯანმრთელობის დაზიანებისა და ჟურნალისტისთვის პროფესიულ საქმიანობაში უკანონოდ ხელის შეშლის მუხლებით დაიწყო.

ავტორი: ექსპრესნიუსი,

სოციალური ქსელები

ავტობანზე ავარიისას 2 ადამიანი დაშავდა

პენიტენციური სამსახური -სინამდვილეს არ შეესაბამება თითქოს გიორგი ფეიქრიშვილი დეესკალაციის ოთახში იმყოფება და ჭრილობებიდან სისხლდენა აღენიშნება

ჟურნალისტური ეთიკის ქარტია პროკურატურას მიმართავს გასაჯაროვდეს ასავალ-დასავალის ჟურნალისტის საქმის მტკიცებულებები

პლენუმმა კონსულტაციისთვის პარტიებზე სარჩელის სტრასბურგში გაგზავნაზე უარი თქვა