„ევროპული საქართველოს“ ლიდერის, დავით ბაქრაძის განცხადებით, უმძიმესი ეკონომიკური კრიზისი „ქართული ოცნების“ ხელისუფლების არასწორი ეკონომიკური პოლიტიკისა და კორონაკრიზისის არაეფექტური მართვის შედეგია.

როგორც მან აღნიშნა, გარდამტეხი ცვლილებების გარეშე, ეკონომიკა და ქვეყანა განწირულია, რომ დარჩება უკუსვლაში, გაჭირვებასა და კრიზისში.

„ „ქართული ოცნების“ არასწორი ეკონომიკური პოლიტიკის გამო, ბოლო წლებია ლარი მუდმივად უფასურდება, ამას დაემატა გაზაფხულზე ეკონომიკის მთლიანი ჩაკეტვა, არასწორი მენეჯმენტის შედეგად, დაემატა უზარმაზარი საგარეო ვალი, რომელსაც წელს იღებს მთავრობა და ემატება ის საბიუჯეტო ვალდებულებები, რომელსაც იღებს ოცნება არჩევნების მოსაგებად. ამიტომ, ქვეყანა შესულია ძალიან ღრმა ეკონომიკურ კრიზისში და ერთადერთი გამოსავალი გახლავთ გარდამტეხი ცვლილებების მოტანა არჩევნებზე, ცვლილებების, რომელიც გულისხმობს გადასახადების შემცირებას, სამთავრობო ხარჯების რადიკალურ შემცირებას, უცხოური ინვესტიციების შემოყვანას და არასწორი და მავნებლური რეგულაციების გაუქმებას. ამ ყველაფრის შედეგად გამყარდება ლარიც, წინ წავა ეკონომიკაც და ქვეყანა გამოვა კრიზისიდან. თუმცა, გარდამტეხი ცვლილებების გარეშე და საარჩევნო ცვლილების გარეშე, დღევანდელი ეკონომიკა განწირულია იმისათვის, რომ „ქართული ოცნების“ ხელში ქვეყანა დარჩეს უკუსვლის, კრიზისის და გაჭირვების პირობებში“, - განაცხადა დავით ბაქრაძემ.

ავტორი: ექსპრესნიუსი,

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა