მერწმუნეთ, ახლაც და არჩევნების დამთავრებამდეც, ყველა საქმეზე ძალიან მკაცრი რეაგირება იქნება, - ამის შესახებ შინაგან საქმეთა მინისტრმა, ვახტანგ გომელაურმა წინასაარჩევნო კამპანიისას ზეწოლასა და ძალადობრივ ქმედებებთან დაკავშირებით განაცხადა.

მისი თქმით, ვერავინ დაასახელებს ვერც ერთ შემთხვევას, რაზეც პოლიციას შესაბამისი რეაგირება არ მოუხდენია.

„საარჩევნო კამპანიას რაც შეეხება, ძალიან ბევრ განცხადებას აკეთებენ. ალბათ ვერ დამისახელებთ ერთ არჩევნებსაც, რომ არ ყოფილიყო ასეთი განცხადებები - თავდასხმა ხდება, არ იძიებს თითქოს პოლიცია, ხელისუფლებაა ჩართული და მმართველი ძალა. ვერც ერთ საქმეს ვერ მეტყვის ვერავინ, რომ ფაქტს არ მოჰყვა რეაგირება, არ აღიძრა საქმე და შესაბამისად არ მოხდა გამოკითხვები, არ ჩაერთო პროკურატურა და შემდეგ სასამართლო, ვერც 2016-ში, ვერც 2018-ში და ვერც ადრე. ხდება რეაგირება რა თქმა უნდა, თუმცა სასამართლო როგორც შეაფასებს სამართლებრივად, ისე ხდება მათი დასჯა. ჩვენ ყველაფერს ვაკეთებთ და მერწმუნეთ, ყველა საქმეზე საარჩევნო პერიოდში იქნება მკაცრი რეაგირება.

პირადი ცხოვრების გასაჯაროების შანტაჟს რაც შეეხება - ვერც ერთი პოლიტიკური პარტია ვერ იტყვის, რომ ჩვენ რეაგირება არ მოვახდინეთ, არ გამოვკითხეთ. ეს არ არის მარტივი თემა, პროკურატურა არის ჩართული ჩვენთან ერთად და მაქსიმალურად გვინდა გამოვავლინოთ. ძალიან მძიმე თემაა, როცა ასე ემუქრებიან ან აშანტაჟებენ“, - განაცხადა ვახტანგ გომელაურმა.  

ავტორი: ექსპრესნიუსი,

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა