მოვუწოდებთ ხელისუფლებას, დაუყოვნებლივ გახსნას საჰაერო სივრცე რეგულარული ფრენებისთვის, - ამის შესახებ „ევროპული საქართველოს“ წევრმა ოთარ კახიძემ განაცხადა და გამოეხმაურა ეკონომიკის მინისტრის, ნათია თურნავას  განცხადებას, რომლის თანახმად, ამ თვეში აღდგება ფრენები Wizz Air-ის მიერ ქუთაისის საერთაშორისო აეროპორტში.

კახიძის თქმით, ქვეყანას მართავს არაკომპეტენტური ხელისუფლება, რომელიც თავისი არათანმიმდევრული და მავნებლური გადაწყვეტილებებით აზიანებს ეკონომიკას.

„მანვე, მიმდინარე წლის მაისში განაცხადა, რომ ფრენები ეტაპობრივად აღდგებოდა 1 ივლისიდან.  ისედაც მძიმე მდგომარეობაში მყოფმა ტურიზმის სექტორმა გადაწყვიტა ამუშავება, მაგრამ მინისტრის სიტყვა აღმოჩნდა მტკნარი სიცრუე და კიდევ უფრო მეტი ზიანი მოუტანა ეკონომიკას.

ოცნების ხელისუფლებამ პანდემიის წინააღმდეგ ბრძოლის მოტივით ფრენები არ განაახლა მაშინ, როდესაც საქართველოში ფიქსირდებოდა ვირუსის საშუალოდ 20 შემთხვევა და ახლა, როცა დღეში გვაქვს 150 შემთხვევა, საუბრობენ საჰაერო სივრცის გახსნაზე.

ეს კიდევ ერთხელ ადასტურებს, რომ ქვეყანას მართავს არაკომპეტენტური ხელისუფლება, რომელიც თავისი არათანმიმდევრული და მავნებლური გადაწყვეტილებებით აზიანებს ეკონომიკას, ხალხს აკარგინებს სამუშაო ადგილებს, აუფასურებს ეროვნულ ვალუტას, ხელს უწყობს ფასების ზრდას.

მოვუწოდებთ ხელისუფლებას, დაუყოვნებლივ გახსნას საჰაერო სივრცე რეგულარული ფრენებისთვის. ასევე დადგეს ყველა იმ პირის პოლიტიკური პასუხისმგებლობის საკითხი, ვისი გადაწყვეტილებითაც ჩავარდა ივლისი-აგვისტო-სექტემბრის ტურისტული სეზონი და ზიანი მიადგა სექტორში დასაქმებულ ჩვენ მოქალაქეებს.

რაც შეეხება ქ-ნი თურნავას მიერ ნოემბრის თვის დაგეგმვას, ამ საკითხზე იმუშავებს უკვე ახალი, ევროპული კოალიცია, რომელიც ქვეყანას მოუტანას გარდამტეხ ცვლილებებს და წაიყვანს წინ“, - განაცხადა კახიძემ.

ავტორი: ექსპრესნიუსი,

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა