შინაგან საქმეთა მინისტრმა, ვახტანგ გომელაურმა გაცნობითი შეხვედრა გამართა საქართველოში დიდი ბრიტანეთისა და ჩრდილოეთ ირლანდიის გაერთიანებული სამეფოს საგანგებო და სრულუფლებიან ელჩთან, მარკ კლეიტონთან, რომელმაც მიმდინარე წლის აგვისტოდან დაიწყო საქართველოში მოღვაწეობა.

ვახტანგ გომელაურმა ელჩს საქართველოში დიპლომატიური მისიის დაწყება მიულოცა და მომავალ საქმიანობაში წარმატება უსურვა.

შეხვედრაზე მხარეებმა საქართველოსა და გაერთიანებული სამეფოს სამართალდამცავ უწყებებს შორის არსებული მჭიდრო და ეფექტიანი საპოლიციო თანამშრომლობის შესახებ ისაუბრეს.

ვახტანგ გომელაურმა განსაკუთრებით აღნიშნა გაერთიანებული სამეფოს დანაშაულთან ბრძოლის ეროვნული სააგენტოს (NCA) როლი საქართველოს შინაგან საქმეთა სამინისტროს დანაყოფების შესაძლებლობების გაძლიერებაში და ელჩს სამომავლო თანამშრომლობის ხედვები და მიმართულებები გააცნო.

საუბარი ასევე შეეხო საზღვაო უსაფრთხოების უზრუნველყოფის მიმართულებით ორ ქვეყანას შორის არსებულ თანამშრომლობასა და სამომავლო გეგმებს, რაც მიმდინარე წლის 9 სექტემბერს ვიდეოკონფერენციის ფორმატით გამართულ საქართველო-ბრიტანეთის უორდროპის სტრატეგიული დიალოგის მეშვიდე შეხვედრაზე იქნა განხილული.

ავტორი: NS (სტატია დაფინანსებულია),

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა