„ქართული ოცნების“ სიაში შევლენ ის ლიდერები, რომლებმაც ქვეყანა მძიმე ეკონომიკურ კრიზისში ჩააყენეს, - ამის შესახებ „ევროპული საქართველოს“ ლიდერმა, დავით ბაქრაძემ, „ქართული ოცნების“ საარჩევნო პარტიულ სიასთან დაკავშირებით განაცხადა.

მისი თქმით, „ქართული ოცნების“ სიაში იქნებიან ახალი სახეებიც, რათა საზოგადოებას შეექმნას სიახლის ილუზია, თუმცა, ეს ილუზია ვერ მოაგვარებს კრიზისს და მთავარია ქვეყანაში დადგეს გარდამტეხი ცვლილებები.

„ქართული ოცნება“ არის პოლიტიკური გუნდი, რომელმაც ქვეყანა შეიყვანა ძალიან ღრმა ეკონომიკურ კრიზისში, უიმედობაში და ვერ თავაზობს გამოსაცვალს ამ გაჭირვებიდან და პრობლემებიდან. ამიტომ, როგორც არ უნდა დაკომპლექტდეს საბოლოოდ სია, ნათელია, რომ ამ სიაში იქნებიან ის  პოლიტიკური ლიდერები, ვისი პასუხისმგებლობაცაა დღეს ქვეყანაში შექმნილი უმძიმესი ეკონომიკური კრიზისი და ფონი და რათქმანდა, იქნებიან ნულოვანი წონის მქონე ახალი სახეები, რომელთა ერთადერთი ამოცანა იქნება ამ სიის გაფერადება და სიახლის ილუზიიის შექმნა. თუმცა, ეს ილუზია ვერ მოაგვარებს კრიზისს, ვერ წაიყვანს ქვეყანას წინ, ამიტომ გამოსავალი არის ერთადერთი, მთლიანად ამ გუნდზე უარის თქმა და ამ არჩევნების გამოყენება იმისათვის, რომ ქვეყანაში დადგეს გარდამტეხი ცვლილებები“, -  განაცხადა დავით ბაქრაძემ.

შეგახსენებთ, რომ დღეს „ქართული ოცნება“ საარჩევნო სიის ოცეულს დაასახელებს.

ავტორი: ექსპრესნიუსი,

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა