2020-09-05 15:08:09, 3088 ნახვა
პოლიტიკა
ჰუბერტ ქნირში - გერმანია საქართველოში დაგეგმილი არჩევნებისთვის დამკვირვებლების ჯგუფს ამზადებს
გერმანიის ელჩის, ჰუბერტ ქნირშის განცხადებით, გერმანია ამზადებს დამკვირვებლების ჯგუფს საქართველოში დაგეგმილი არჩევნებისთვის, რომელიც ეუთო/ოდირის მისიის ნაწილი იქნება.
ქნირში დარწმუნებულია, რომ დამკვირვებლები სხვა ქვეყნებიდანაც იქნება წარმოდგენილი.
„დარწმუნებული ვარ, რომ ჩვენ გვეყოლება საერთაშორისო დამკვირვებლები არჩევნებზე. გერმანია უკვე ამზადებს დამკვირვებლების ჯგუფს, რომელიც ეუთო/ოდირის მისიას შეუერთდება. დამკვირვებლები სხვა ქვეყნებიდანაც იქნება წარმოდგენილი. მონიტორინგის პროცესი კი უნდა იყოს მტკიცე და ყოვლისმომცველი. ჩვენ, როგორც პარტნიორი ქვეყანა, ამ კუთხით შესაძლებლობის მაქსიმუმს გავაკეთებთ“, - განაცხადა ელჩმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
