„ეპიდსიტუაცია თუ გართულდა, რა თქმა უნდა, ჩვენ დავრჩებით ისევ ონლაინ სწავლების რეჟიმში“, - ამის შესახებ ჯანდაცვის მინისტრმა ეკატერინე ტიკარაძემ ჟურნალისტებს განუცხადა.

როგორც მან აღნიშნა, სამინისტრო განათლების უწყებასთან ერთად ღონისძიებების დასახვეწად მუშაობს.

„ეპიდსიტუაცია თუ გართულდა, რა თქმა უნდა, ჩვენ დავრჩებით ისევ ონლაინ სწავლების რეჟიმში, რისი პრაქტიკაც საქართველოს უკვე აქვს. დღეს ჩვენ ვმუშაობთ დამატებით იმასთან დაკავშირებით განათლების სამინისტროსთან ერთად, რათა უფრო მეტად დავხვეწოთ ეს ღონისძიებები. იმ შემთხვევაში, თუ ეპიდსიტუაცია იქნება შენარჩუნებული ისეთი, როგორიც არის დღეს, სასწავლო პროცესს აღვადგენთ“, - განაცხადა ეკატერინე ტიკარაძემ.

ჯანდაცვის მინისტრმა დღევანდელ ეპიდსიტუაციაზეც ისაუბრა და აღნიშნა, რომ ამ მხრივ საქართველო მსოფლიოში ერთ-ერთი საუკეთესო ქვეყანაა.

„ნებისმიერ ტალღას, იყო ეს მეორე, მესამე თუ პირველი, საფრთხე არის შემდეგი, რომ შეიძლება მოხდეს მისი უკონტროლო გავრცელება, რისთვისაც არა მხოლოდ საქართველოს მთავრობა, არამედ ყველა სხვა უწყება მუშაობს კოორდინირებულად. რაც შეეხება დღევანდელ ეპიდსიტუაციას, საქართველო არის მსოფლიოში ერთ-ერთი წამყვანი ქვეყანა, რომელსაც აქვს საუკეთესო ეპიდსიტუაცია და ვთვლით, რომ შემდგომშიც გავაგრძელებთ იმ მუშაობას, რის შედეგადაც ვეცდებით, რომ თავიდან ავიცილოთ ამ ინფექციის გავრცელება საქართველოში“, - განაცხადა ეკატერინე ტიკარაძემ.

ავტორი: ექსპრესნიუსი,

სოციალური ქსელები

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას

თიბისი მმართველ გუნდს საერთაშორისო საბანკო გამოცდილებით აძლიერებს