„ელჩები შიდა პოლიტიკურ უთანხმოებაში ჩარევას ერიდებიან“ , - ამის შესახებ ტელეკომპანია „ფორმულას“ ეთერში პარტია „ევროპული საქართველოს“ წევრმა ოთარ კახიძემ განაცხადა.

მან ასევე აღნიშნა, რომ შეთანხმებაში სახელით და გვარებით არცერთი პოლიტპატიმარი არ იყო მოხსენიებული.

“გერმანიის ელჩის განცხადება იყო შემდეგი, რომ 8 მარტის შეთანხმებაში არ წერია გიორგი რურუას სახელი და გვარიო. ტექნიკურად ეს სწორი განცხადებაა, მართლაც არ წერია სახელი და გვარი, ისევე როგორც სხვა გვარები - უგულავა და ოქრუაშვილი. მიუხედავად იმისა, რომ უგულავა და ოქრუაშვილი არ წერია, მაინც "ქართულმა ოცნებამ" თვითონ აღიარა, რომ მათი გათავისუფლება იყო შეთანხმების ნაწილი. ამის გარდა, როცა გაათავისუფლეს უგულავა და ოქრუაშვილი, ამ მოლაპარაკებების ფასილიტატორებმა გააკეთეს განცხადება, რომ ეს გათავისუფლება არის გადადგმული ნაბიჯი 8 მარტის შეთანხმების შესრულებისკენ. ამიტომ გვარების ჩაწერა არ არის განმსაზღვრელი კრიტერიუმი. შეიძლება გერმანიის ელჩი არ იყო საქმის კურსში, შეიძლება თარგმანის პრობლემა იყო. ერთი დეტალი რაც მინდა აღვნიშნო ამ დიპლომატთან მიმართებაში, არის ის, რომ ელჩები ერიდებიან ისეთ საკითხებში ჩართვას, რომელშიც არის პოლიტიკური უთანხმოება. ამიტომ იყო არაკორექტული არჩილ თალაკვაძის მოწოდება, რომ გამოდით და თქვით რომ ასე არ იყოო. ელჩები არ აკეთებენ ასეთ განცხადებებს და არჩევენ ნეიტრალური პოზიციის დაჭერას. გერმანიის ელჩმა რამდენჯერმე ამ დაუწერელ დიპლომატიურ წესს გადაუხვია. მაგალითად, როდესაც ჩაერთო არასამთავრობო სექტორის შეფასებასა და დაპირისპირებაში სოფო კილაძესთან. როცა 45 არასამთავრობო ორგანიზაცია ამბობს, რომ პრობლემები აქვს ქსენოფობიური ერთ-ერთ პოლიტიკურ ფიგურას, არ უნდა დაადანაშაულო ეს ორგანიზაციები პოლიტიკურ მიკერძოებაში. ეს ძალიან სარისკო ნაბიჯია. გერმანიის გადასაწყვეტია ვინ იქნება ელჩი საქართველოში, თუმცა ჩვენი პრეროგატივაა შევაფასოთ მისი ესა თუ ისე ქმედება” , - განაცხადა კახიძემ.

შეგახსნებთ, რომ დღეს ტელეკომპანია „მთავარი არხის“ ერთ-ერთი მფლობელი, გიორგი რურუა დღეს პატიმრობაში ისევ დატოვეს. გერმანიის ელჩმა საქართველოში განაცხადა, რომ გიორგი რურუა შეთანხმების ნაწილი არ ყოფილა.

ავტორი: ექსპრესნიუსი,

სოციალური ქსელები

პუტინმა სი ძინპინთან ვიწრო ფორმატში გამართულ მოლაპარაკებებს მნიშვნელოვანი უწოდა

სუმზე თავდასხმის დროს ხუთსართულიანი შენობა ჩამოინგრა, 8 ადამიანი დაიჭრა

პატიმრებისა და პრობაციონერების ჯამური მაჩვენებლით 2025 წელს საქართველო ევროპაში პირველ ადგილს იკავებდა - რეჟიმის პირობებში 2026 წელს მონაცემები დრამატულად იზრდება

კრემლმა სომხეთის არჩევნების წინ ფაშინიანის წინააღმდეგ საინფორმაციო კამპანია დაიწყო - The Insider