რადიკალურ ოპოზიციას  მძიმე მდგომარეობა შექმნას სურს , - ამის შესახებ ტელეკომპანია „იმედის“ ეთერში პირველმა ვიცე-სპიკერმა გიორგი ვოლსკიმ განაცხადა.

მან ასევე აღნიშნა, რომ მოლაპარაკების პროცესიდან დღემდე დასავლური პარტნიორები და ფასილიტატორები ჩვენთან ერთად საქმის ბოლომე დასრულებაში ჩართულები არიან, თუმცა ოპოზიცია აირია.

„ეუთოს რეკომენდაციები საარჩევნო სისტემის, საერთოდ, საარჩევნო ატმოსფეროს გაჯანსაღების თემას ეხება, თუ როგორი უნდა იყოს გარემო არჩევნების დროს , არჩევნების წინა პერიოდში.  სამუშაო  ჯგუფის ხელმძღვანელი პარლამენტის თავმჯდომარე არჩილ თალაკვაძე იყო და  ოპოზიციის წარმომადგენლები და უმრავლესობის წევრები ამ პროცესში მონაწილეობდნენ.

ამ პროცესებში დასავლელი პარტნიორები ჩართულნი არიან, ფასილიტატორები ანუ მოლაპარაკებების ხელშემწყობები თავის როლს ასრულებენ, ერთობლივი განცხადებებებია ცალკე აშშ-ის და  გერმანიის. მაგრამ გაერთიანებული ოპოზიცია აირია. ყველა არა, რადგან ახალი ოპოზიცია კონსტრუქციული კუთხით გამოჩნდა.  მხედველობაში მყავს „ნაციონალური მოძრაობა", „ევროპული საქართველო" და ზოგადად, სატელიტი პოლიტიკური პარტიები. ძალიან მძიმე მდგომარეობა უნდათ, რომ შექმნან და შექმნილია კიდეც ძალიან მძიმე მდგომარეობა იმ თვალსაზრისით, რომ ეს უკვე აღარ არის პოლიტიკური პოლემიკა. სხვა სიბრტყეში გადავედით“ , - განაცხადა გიორგი ვოლსკიმ.

ავტორი: ექსპრესნიუსი,

სოციალური ქსელები

პუტინმა სი ძინპინთან ვიწრო ფორმატში გამართულ მოლაპარაკებებს მნიშვნელოვანი უწოდა

სუმზე თავდასხმის დროს ხუთსართულიანი შენობა ჩამოინგრა, 8 ადამიანი დაიჭრა

პატიმრებისა და პრობაციონერების ჯამური მაჩვენებლით 2025 წელს საქართველო ევროპაში პირველ ადგილს იკავებდა - რეჟიმის პირობებში 2026 წელს მონაცემები დრამატულად იზრდება

კრემლმა სომხეთის არჩევნების წინ ფაშინიანის წინააღმდეგ საინფორმაციო კამპანია დაიწყო - The Insider