ეკა ბესელია - საკონსტიტუციო ცვლილებები ვისთვის იყო ისტორიული და ვისთვის ისტერიული, ამას ამომრჩეველი გადაწყვეტს

2020-06-29 16:02:50, 1722 ნახვა

პოლიტიკა

საკონტიტუციო ცვლილებების მიღება ვისთვის იყო ისტორიული და ვისთვის ისტერიული, ამას ამომრჩეველი გადაწყვეტს, - ამის შესახებ დამოუკიდებელმა დეპუტატმა, ეკა ბესელიამ განაცხადა.

როგორც ბესელიამ აღნიშნა, აღნიშნული ცვლილებები იძლევა შესაძლებლობას, რომ მომავალი პარლამენტი იყოს მრავალპარტიული და არ იყოს ორ პოლიტიკურ პოლუსში ჩარჩენილი.

„ცვლილებების იმის შესაძლებლობას აჩენს, რომ მომავალი პარლამენტი იყოს უფრო მრავალპარტიული. დაბალი ბარიერის პირობებში არ იქნება ხელოვნური ჯგუფები. ეს ცვლილებები იმის შესაძლებლობას აჩენს, რომ აღარ იყოს პარლამენტი ორ პოლიტიკურ პოლუსში ჩარჩენილი და გაცილებით მეტი შანსი მისცეს პარტიებს. ჩემთვის ეს ცვლილებები არის შანსი, ამ ქვეყანაში არჩევნების გზით მოხდეს ცვლილება და მოიტანოს უკეთესი პოლიტიკური ვითარება, უკეთესი რეალობა მოსახლეობისთვის და მოქალაქეების ხმა მეტად ისმოდეს. ვინ რა პასუხისმგებლობით შეხვდება ამომრჩეველს, ეს გამოჩნდება 31 ოქტომბერს. ვისთვის იყო ისტორიული და ვისთვის ისტერიული, ამას ამომრჩეველი გადაწყვეტს. ერთი ნაბიჯით მივუახლოვდით იმ პროცესს, როცა სამართლიანი შეიძლება იყოს პროცესები“,- განაცხადა ეკა ბესელიამ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან