ყოფილი საბჭოთა ქვეყნებიდან საქართველო არის ერთადერთი ქვეყანა, რომლის მოაქლაეებსაც ევროკავშირიში შესვლა შეეძლებათ, - ამის შესახებ ევროკავშირის ქვეყნების შეთანხმების დოკუმენტში წერია.
ევროკავშირის სამეზობლო პოლიტიკაში არცერთი ჩართული ქვეყანა, არც უკრაინა და არც მოლდოვა, ევროკავშირის ქვეყნებში შესვლას უახლოეს მომავალში ვერ შეძლებენ.

წინასწარი ცნობით, ევროკავშირის ქვეყნების ელჩებმა შეათანხმეს დოკუმენტი, პარასკევს იქნა შემუშავებული თუმცა დეტალები უკვე ცნობილია.

ევროკავშირი არაწევრი ქვენების ნაწილს საზღვარს პირველი ივლისიდან, ევროკომისიის რეკომენდაციების საფუძველზე შედგენილი სიის მიხედვით გაუხსნის.

პირველად სიაში იყვნენ  აშშ, ბრაზილია და რუსეთი, რომლებიც კორონავირუსით ინფიცირებულთა რიცხვით მსოფლიოში პირველ სამ ადგილს იკავებენ. თუმცა ამ ქვეყნებს, ევროკავშირში შესვლის უფლება შეზღუდული ექნებათ.
საქართველოს გარდა სიაში შედიან: მონაკო, მონტენეგრო, ვატიკანი, ანდორა, სერბეთი, ბოსნია-ჰერცეგოვინა, ალბანეთი,  კოსოვო, სამხრეთ კორეა, თურქმენეთი, ვიეტნამი, ჩინეთი, ტაილანდი, მიანმარი, მონღოლეთი, იაპონია, ბუტანი, ლიბანი, ინდონეზია, ინდოეთი, პალაუ, ახალი ზელანდია, ავსტრალია, დომინიკა, ბაჰამა, სენტ-ლუსია, ურუგვაი, იამაიკა, კუბა, გაიანა, პარაგვაი, ვენესუელა, ნიკარაგუა, კოსტა-რიკა, კანადა, ანგოლა, ტუნისი, ნამიბია, უგანდა, მოზამბიკი, ზამბია, მავრიკი, რუანდა, ეთიოპია, მაროკო, ალჟირი და ეგვიპტე.
ევროკომისიის ბოლო რეკომენდაციაში, რომელიც 11 ივნისს გამოქვეყნდა, გაწერილია კრიტერიუმები, რომლებითაც უნდა შეფასდეს, გაიხსნება თუ არა საზღვარი ამა თუ იმ ქვეყანასთან.

რეკომენდაციის მიხედვით ევროკავშირის წევრმა ქვეყნებმა ერთიანი სია უნდა შეიმუშაონ და შეაფასონ ქვეყნებში არსებული ეპიდსიტუაცია. ამისათვის მათ დაავადებათა კონტროლის და პრევენციის ევროპული ცენტრის და მსოფლიო ჯანდაცვის ორგანიზაციის მონაცემებით უნდა იხელმძღვანელონ.

პირველ რიგში შეზღუდვები უნდა მოიხსნას იმ ქვეყნებისათვის, სადაც ეპიდემიოლოგიური სიტუაცია მსგავსია ან უკეთესია ევროკავშირის ქვეყნების საშუალო მაჩვენებელთან შედარებით. ასევე გასათვალისწინებელია მათი უნარები, გაუმკლავდნენ ვირუსს. ამ შემთხვევაში გასათვალისწინებელია ტესტირებისა და კონტაქტების კვლევის შესაძლებლობები, ასევე რეკომენდაციების დაცვა აეროპორტებსა და საჯარო სივრცეებში.

ავტორი: ექსპრესნიუსი,

სოციალური ქსელები

სუმზე თავდასხმის დროს ხუთსართულიანი შენობა ჩამოინგრა, 8 ადამიანი დაიჭრა

პატიმრებისა და პრობაციონერების ჯამური მაჩვენებლით 2025 წელს საქართველო ევროპაში პირველ ადგილს იკავებდა - რეჟიმის პირობებში 2026 წელს მონაცემები დრამატულად იზრდება

კრემლმა სომხეთის არჩევნების წინ ფაშინიანის წინააღმდეგ საინფორმაციო კამპანია დაიწყო - The Insider

პენტაგონი ირანში სახმელეთო შეჭრის ალბათობას უშვებს