2020-06-22 14:25:48, 1455 ნახვა

---

სამადაშვილი - სახიფათოა, რომ ხელისუფლება პანდემიას საკუთარი ინტერესებისთვის გამოიყენებს, მათ შორის საარჩევნო პროცესში

ფრაქცია „ნაციონალური მოძრაობის“ თავმჯდომარის მოადგილის, სალომე სამადაშვილის განცხადებით, სახიფათოა, რომ ხელისუფლება პანდემიას საკუთარი ინტერესებისთვის გამოიყენებს, მათ შორის საარჩევნო პროცესში.

მისი თქმით, პანდემია საარცევნო პროცესს დამატებით გამოწვევებს უქმნის.

„პანდემია, რა თქმა უნდა, დამატებით გამოწვევებს უქმნის ქვეყანაში საარჩევნო პროცესს, მაგრამ ამავე დროს, რჩება ძალიან აქტუალური ყველა ის გამოწვევა არჩევნებთან მიმართებაში, რომელიც ჩვენს ქვეყანას დღევანდელი ხელისუფლების პირობებში ჰქონდა. ეს არის ძალადობა, ეს არის მოსყიდვა, ეს არის ადმინისტრაციული რესურსების ბოროტად გამოყენება. რა თქმა უნდა, ძალიან სახიფათოა ისიც, რომ პანდემიას ხელისუფლება გამოიყენებს სწორედ საკუთარი ინტერესებისთვის, მათ შორის საარჩევნო პროცესში“, - განაცხადა სალომე სამადაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი