ნატო-საქართველოს ერთობლივი წვრთნისა და შეფასების ცენტრის გახსნას ოფიციალური მოსკოვი გამოეხმაურა.

რუსეთის საგარეო საქმეთა სამინისტრო ამ ფაქტს ალიანსის პროვოკაციული პოლიტიკის გაგრძელებად აფასებს.

სერგეი ლავროვის უწყების ოფიციალური წარმომადგენლის, მარია ზახაროვას განცხადებით, მსგავსი სამხედრო ცენტრის გახსნა რეგიონში უსაფრთხოებისთვის დესტაბილიზაციის გამომწვევი ფაქტორი გახდება.

"ამ ნაბიჯს განვიხილავთ როგორც ალიანსის პროვოკაციული პოლიტიკის გაგრძელებას, რომელიც მიმართულია საკუთარი გეოპოლიტიკური გავლენის გაფართოებისკენ, ბლოკის პარტნიორი ქვეყნების რესურსების გამოყენებით. საქართველოში ნატო-ს ასეთი სამხედრო ობიექტის განთავსება რეგიონის უსაფრთხოებისთვის სერიოზული დესტაბილიზაციის გამომწვევი ფაქტორი გახდება“, - განაცხადა მარია ზახაროვამ.

როგორც ფედერაციის საგარეო უწყებაში აცხადებენ, რუსეთი თავისი მოვალეობის შესრულებას გააგრძელებს და უზრუნველყოფს თავისი მოკავშირეების უსაფრთხოებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ავტობანზე ავარიისას 2 ადამიანი დაშავდა

პენიტენციური სამსახური -სინამდვილეს არ შეესაბამება თითქოს გიორგი ფეიქრიშვილი დეესკალაციის ოთახში იმყოფება და ჭრილობებიდან სისხლდენა აღენიშნება

ჟურნალისტური ეთიკის ქარტია პროკურატურას მიმართავს გასაჯაროვდეს ასავალ-დასავალის ჟურნალისტის საქმის მტკიცებულებები

პლენუმმა კონსულტაციისთვის პარტიებზე სარჩელის სტრასბურგში გაგზავნაზე უარი თქვა