2020-06-21 12:52:55, 1468 ნახვა

---

ბაქრაძის განცხადებით, საკონსტიტუციო ცვლილებების მხარდაჭერით მისი პარტია მმართველ გუნდს ნოემბრის სცენარის გამეორების საშუალებას არ მისცემს

"ევროპული საქართველოს" ერთ-ერთი ლიდერის, დავით ბაქრაძის განცხადებით, დღეს საკონსტიტუციო ცვლილებების მხარდაჭერით მისი პარტია მმართველ გუნდს იმის საშუალებას არ მისცემს, რომ ნოემბრის სცენარი გაიმეორონ.

ბაქრაძე აღნიშნავს, რომ მეორე მხრივ, ამით მისი პარტია იგებს დროს, რათა 8 მარტის შეთანხმების შესრულების საკითხზე საერთაშორისო პარტნიორებთან გააგრძელოს მოლაპარაკება.

"მეორე და მესამე მოსმენაზე ჩვენი პოზიცია დამოკიდებული იქნება ცალსახად და უპირობოდ იმაზე, შესრულდება თუ არა 8 მარტის შეთანხმება და გათავისუფლდება თუ არა გიორგო რურუა.

დღევანდელი ხმის მიცემით ჩვენ ვიგებთ ორ ამოცანას - პირველი, ჩვენ "ქართულ ოცნებას" საშუალებას არ მივცემთ გაიმეოროს ნოემბრის სცენარი, როდესაც ყველას ზურგს უკან, თითქოს რამდენიმე დეპუტატის წინააღმდეგობის გამო ჩავარდა პროპორცოული სისტემა და მეორე, პირველი მოსმენის გატანით ჩვენ მოვიგებთ პერიოდს, რომ გავაგრძელოთ მოლაპარაკება პარტნიორებთან, რათა ხელისუფლებამ 8 მარტის შეთანხმება შეასრულოს", - განაცხადა ბაქრაძემ.

შეგახსენებთ, რომ "ევროპული საქართველო" საკონსტიტუციო ცვლილებებს მხოლოდ პირველი მოსმენით დაუჭერს მხარს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი