ვვარაუდობთ, რომ დაცვის მხარის მოწმეების ჩვენებებით გიორგი რურუას უდანაშაულობა დადასტურდება, - ამის შესახებ „მთავარი არხის“ ერთ-ერთი მეწილის, გიორგი რურუას ადვოკატმა, დიმიტრი საძაგლიშვილმა განაცხადა.

მისი თქმით, დღევანდელ პროცესზე დაცვის მხარის მოწმეები დაიკითხებია, რომლებიც რურუას დაკავების დღეს, სხვადასხვა ხანგრძლივობით, მასთან იმყოფებოდნენ.

„ეს ადამიანები იმყოფებოდნენ გიორგი რურუასთან ერთად სხვადასხვა ხანგრძლივობით. გამოძიების ინფორმაციით, როდესაც გიორგი რურუა საპროტესტო აქციიდან სახლსი ბრუნდებოდა, მაშინ იქნა დაკავებული ცეცხლსასროლი იარაღით. შესაბამისად, დაკავებამდე ამ ადამიანებს ჰქონდათ კონტაქტი და ბუნებრივია, გიორგი რურუას რომ ცეცხლსასროლი იარაღი ჰქონოდა ისინი შეამჩნევდნენ. შესაბამისად, ძალიან მნიშვნელოვან ინფორმაციას მიაწვდიან სასამართლოს დაცვის მხარის მოწმეები. ჩვენ ვვარაუდობთ, რომ მათ შორის ამ მოწმეების ჩვენებებით დადასტურდება გიორგი რურუას უდანაშაულობა“, - განაცხადა დიმიტრი საძაგლიშვილმა.

ცნობისთვის, გიორგი რურუა სამართალდამცავებმა 2019 წლის 18 ნოემბერს, სსკ-ის 236-ე მუხლის მე-3 და მე-4 ნაწილებით გათვალისწინებული დანაშაულისთვის დააკავეს, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.

ავტორი: ექსპრესნიუსი,

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო