ანტიდასავლურები რომ იყვნენ ყველა ერთად ეს ვიცოდით, მაგრამ ეს ანტიდასავლური ოპოზიცია ოფიციალურად გაფორმდება როგორც პრორუსული და რუსეთის მიმართ ლოიალური ოპოზიცია , - ამის შესახებ  საპარლამენტო უმრავლესობის წევრმა ირაკლი კობახიძემ განაცხადა.

მანვე აღნიშნა, რომ ოპოზიციის ერთიანი სიები და საერთო კანდიდატები ხელისუფლების გამარჯვების შანსებს მნიშვნელოვნად გაზრდიან.

„ჩვენ ყველა მიმართულებით მივესალმებით, რომ ერთიანი სიები შეადგინონ ოპოზიციის წარმომადგენლებმა ან საერთო კანდიდატები დააყენონ. წარმოიდგინეთ რას ნიშნავს ერთიანი ოპოზიცია. ეს არის სააკაშვილი, ბოკერია, ბურჯანაძის ერთობა. წარმოიდგინეთ რამდენი ამომრჩეველი მისცემს ხმას ასეთ კოალიციას, რამდენი პროცენტი შეიძლება იყოს ვინც მხარს დაუჭერს ასეთ გაფორმებულ პრორუსულ კოალიციას.  ანტიდასავლურები რომ იყვნენ ყველა ერთად ეს ვიცოდით, მაგრამ ეს ანტიდასავლური ოპოზიცია ოფიციალურად გაფორმდება როგორც პრორუსული და რუსეთის მიმართ ლოიალური ოპოზიცია. ეს ბუნებრივია მხოლოდ მომგებიანია ჩვენთვის.

ძალიან მარტივი საარჩევნო დათვლაა, იმიტომ, რომ ამ შემთხვევაში ჩვენ გვეძლევა დამატებით საკმაოდ დიდი უპირატესობა. პროპორციულ ნაწილში ეს შეიძლება იყოს მინიმუმ 5 პროცენტიანი უპირატესობა  და მაჟორიტარი კანდიდატების შემთხვევაში უპირატესობა გულისხმობს იმას, რომ ჩვენ ძალიან გაგვიმარტივდება არა მხოლოდ მეორე, არამედ პირველივე ტურში ყველა ოლქში არჩევნების მოგება. აქედან გამომდინარე ასეთ კოლაბორაციას ჩვენ მხოლოდ და მხოლოდ მივესალმებით"-განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას