საკანონმდებლო ორგანოში „მინისტრის საათის“ ფორმატში ანგარიშის წარდგენისას საქართველოს თავდაცვის მინისტრმა განსაკუთრებული ყურადღება ჯარისკაცზე ორიენტირებული განახლებული სოციალური პოლიტიკის ფარგლებში გადადგმულ ნაბიჯებზე გააკეთა. 

როგორც ირაკლი ღარიბაშვილმა განაცხადა, 2019 წლის ბოლოს ეტაპობრივად დაიწყო სამხედროებისთვის ხელფასების ზრდა. მინისტრმა დაჭრილ და დაშავებულ სამხედროების მისამართით გაკეთებულ სიახლეებზეც ისაუბრა. „გავითვალისწინეთ ჩვენი დაჭრილ-დაშავებული სამხედროები, რომელთაც ღირსეული სამსახური ჯანმრთელობის ფასად გაუწიეს ქვეყანას და მათზე ზრუნვა ჩვენი მთავარი ვალდებულებაა. ყველა დაჭრილ-დაშავებულ სამხედროს მათი  ტრავმების და ზოგადი ფიზიკური მდგომარეობის გათვალისწინებით ხელფასებზე წელს იანვრიდან 200-დან 800 ლარამდე  დანამატები დაუწესდათ“, - აღნიშნა მინისტრმა და დაამატა, რომ წელს მთავარ სტრატეგიულ პარტნიორთან - აშშ-სთან ერთად დაჭრილ-დაშავებული მეომრებისათვის წეროვანში რეგიონში სრულიად უნიკალური, უახლესი ტექნოლოგიებით აღჭურვილი, მრავალპროფილური სარეაბილიტაციო კომპლექსის მშენებლობა დასრულდა. 

საპარლამენტო მოხსენებისას მინისტრმა სამხედროებისთვის  კვების მიმართულებით გადადგმულ მნიშვნელოვან ცვლილებებზეც ისაუბრა და განაცხადა, რომ  გასული წლის 1 ნოემბრიდან ჯარი კვება ახალ, სპეციალური ოპერაციების ძალებისათვის განსაზღვრულ სტანდარტზე გადავიდა, რაც ნიშნავს თავდაცვის ძალებში საკვების რაოდენობის და ხარისხის მნიშვნელოვან გაუმჯობესებას; ქართული ჯარი პირველად სრულად მარაგდება ქართული, გაუყინავი საქონლისა და ღორის ხორცით. 

მინისტრმა კანონმდებლებს სამხედროების და მათი ოჯახის წევრების ჯანმრთელობის დაზღვევის პირობების გაუმჯობესების კუთხით გადადგმულ ნაბიჯებზეც მიაწოდა ინფორმაცია. მისი განცხადებით, წინა სადაზღვევო პაკეტთან შედარებით, არსებულ პაკეტს დაემატა სტომატოლოგიური, ონკოლოგიური და კარდიოქირურგიული მომსახურების ქველიმიტები. განახლებული პაკეტის ფარგლებში, გაიზარდა მომსახურე აფთიაქების, მედიკამენტების ლიმიტებისა და ასევე დაფინანსების ლიმიტების რაოდენობა. 

ავტორი: NS (სტატია დაფინანსებულია),

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო