2020-06-10 14:31:11, 1970 ნახვა

---

მდინარაძე - ჯერ ჩამოვყალიბდებით მაჟორიტარებზე და საარჩევნო სიასთან დაკავშირებულ კონკრეტულ სახელებს შემდეგ გავახმოვანებთ

ჯერ ჩამოვყალიბდებით მაჟორიტარებზე და შემდეგ გავახმოვანებთ საარჩევნო სიასთან დაკავშირებულ სახელებს და გვარებს, - ამის შესახებ პარლამენტის თავმჯდომარის მოადგილემ და საპარლამენტო უმრავლესობის ლიდერმა, მამუკა მდინარაძემ განაცხადა.

როგორც მან აღნიშნა, ჯერჯერობით კონკრეტული გადაწყვეტილების კონტურები მიღებული არ არის, თუმცა გუნდში გარკვეული მოსაზრებები არსებობს.

„ჩემი აზრით, ძალიან კარგია, როდესაც მმართველ გუნდში ასეთი ერთსულოვნება არის მიდგომებთან, პრინციპებთან ან თუნდაც სიის შედგენასთან დაკავშირებული პრინციპების ირგვლივ. გითხარით და კიდევ ერთხელ გავიმეორებ, რომ ჯერ ჩამოვყალიბდებით მაჟორიტარებზე, რადგან ეს უფრო საჩქარო ამბავია. შემდეგ უკვე, ზაფხულის მიწურულს ალბათ, ჩვენ უკვე გავახმოვანებთ სიასთან დაკავშირებულ კონკრეტულ სახელებს და გვარებს. კიდეც რომ რაღაც გადაწყვეტილებისკენ ვიყოთ წასული, დღეს ამაზე ვერ დაგელაპარაკებით. ჯერ გადაწყვეტილების კონტურებიც არ არის. რა თქმა უნდა, გუნდში მოსაზრებები არსებობს და მიდის ზოგადად განხილვა, მაგრამ გადაწყვეტილებისკენ ჯერ ჩვენ ამ მიმართულებით ჯერ არ წავსულვართ“, - განაცხადა მამუკა მდინარაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი