გუგა ქაშიბაძე - გაზგასამართი სადგურის აფეთქების შედეგად დაშავებული მამაკაცის მდგომარეობა სტაბილურია

2020-06-02 11:13:51, 1233 ნახვა

კომენტარი

გაზგასამართი სადგურის აფეთქების შედეგად დაშავებული მამაკაცის მდგომარეობა სტაბილურია, - აღნიშნულის შესახებ ხეჩინაშვილის სახელობის საუნივერსიტეტო კლინიკის, დამწვრობის ცენტრის ხელმძღვანელმა გუგა ქაშიბაძემ განაცხადა.

მისი თქმით, 48 წლის მამაკაცს სხეულის 25% დაწული აქვს.

„შემოვიდა ჩვენს დამწვრობის ცენტრში 48 წლის მამაკაცი. აღენიშნებოდა სხეულის თერმული დამწვრობა 25%. მეორე-მესამე ხარისხის დამწვრობაა. დაზიანებული ჰქონდა სახის, წელის დამწვრობა, ორივე კიდური უბნობრივი დამწვრობით ჰწონდა. ამ ეტაპზე მისი მდგომაროება სტაბილურია, თუმცა რა თქმა უნდა დაკვირვების ქვეშაა“, - განაცხადა ქაშიბაძემ.

შეგახსენებთ, რომ გუშინ, გვიან ღამით თბილისში, ნუცუბიძის მე-3 პლატოზე, ამაშუკელის ქუჩაზე მდებარე გაზგასამართ სადგურზე აფეთქდა, რის შედეგადაც ერთი ადამიანი დაშავდა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან