"მეტი სიფრთხილე გვმართებს, რამეთუ, შეზღუდვების შემსუბუქების შემდეგ მოსალოდნელიც იყო, რომ შემთხვევების რაოდენობამ იმატოს, მაგრამ მინდა დაგარწმუნოთ, რომ ეს მატება ყოველთვის მართვადია და იქნება მართვადი",  - ამის შესახებ დაავადებათა ეროვნული ცენტის ხელმძღვანელმა, ამირან გამყრელიძემ განაცხადა.

„დღეს დილისთვის 11 შემთხვევა დაემატა. აქედან ორი არის ბოლნისის კლასტერიდან, რომელიც ერთ-ერთი ცხელი წერტილია, ხოლო 9 გახლავთ გუშინ დადასტუებული შემთხვევის კონნტაქტები. ამ კონტაქტების კვლევა გუშინ და დღეს აქტიიურად მიმდინარებს. 50-მდე კონტაქტია დადგენილი და კონტაქტების კვლევა ამ წუთებშიც გრძელდება. ეს არ არის ის რიცხვი, რომელსაც ჩვენ ვერ მოვერევით და ვერ ვმართავთ, ამიტომ ერთის მხრივ არავითარი საშიშროება არ არის, მაგრამ მეორეს მხრივ, მეტი სიფრთხილე გვმართებს, რამეთუ, შეზღუდვების შემსუბუქების შემდეგ მოსალოდნელიც იყო, რომ შემთხვევების რაოდენობამ იმატოს, მაგრამ მინდა დაგარწმუნოთ, რომ ეს მატება ყოველთვის მართვადია და იქნება მართვადი. 

ამავე დროს, გუშინ ჩატარდა ძალიან მნიშვნელოვანი ღონისძიება. იცით, რომ დღეს ყველაზე ცხელი წერტილი ბოლნისის მუნიციპალიტეტში სოფელი მუშევანი გვაქვს, სადაც ყველაზე მეტი - 55 შემთხვევა იყო მანამდე დაფიქსირებული. ეს არის საკმაოდ მოზრდილი სოფელი, სადღაც, 700-მდე მცხოვრებით, აქედან 55-მდე ადამიანი გვყავდა სამკურნალოდ გადაყვანილი, დაახლოებით, 60-მდე ადამიანი იყო კარანტინში გადაყვანილი. გუშინ მოეწყო მასობრივი ტესტირების აქცია სოფელ მუშევანში, რომელიც ძალიან კარგად დააორგანიზა ადგილობრივმა ხელისუფლებამ, გუბერნიამ და ბოლნისის მუნიციპალიტეტმა. ჩვენგან ეპიდემიოლოგთა 8 ბრიგადა იყო წასული, ასევე ერთი ადგილობრივი ბრიგადა, მეც გახლდით ადგილზე, ვნახე ყველაფერი, ხალხი იყო ძალიან ორგანიზებული, სოფლის 9 წერტილში ხდებოდა ბიოლოგიური ნიმუშების აღება. გუშინ ჩვენ 574 ბიოლოგიური ნიმუშის აღება შევძელით, მათ შორის, ნახევარზე მეტი გამოკვლეული იქნა ლუგარში, ორი დადასტურებული შემთხვევა გვაქვს, დანარჩენების კვლევა დღეს მიმდინარეობს და მოგახსენებთ“, - განაცხადა გამყრელიძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო