2020-05-14 14:42:21, 1391 ნახვა

---

ჩუგოშვილი - ჩვენს საერთაშორისო პარტნიორებს აქვთ მკაფიოდ ჩამოყალიბებული განცდა, რომ ხელისუფლება არ ასრულებს 8 მარტის შეთანხმებას

ჩვენს საერთაშორისო პარტნიორებს აქვთ მკაფიოდ ჩამოყალიბებული განცდა, რომ ხელისუფლება არ ასრულებს 8 მარტის შეთანხმებას, - ამის შესახებ დამოუკიდებელმა დეპუტატმა, თამარ ჩუგოშვილმა განაცხადა.

მისი თქმით, გუშინ კითხვის ნიშნის ქვეშ დადგა 500-მილიონიანი დახმარების პაკეტი, რომელიც საქართველოსთვის მნიშვნელოვანი თანხაა.

„ჩვენს საერთაშორისო პარტნიორებს აქვთ მკაფიოდ ჩამოყალიბებული განცდა, რომ ხელისუფლება არ ასრულებს იმ პირობას, რაც დადო 8 მარტს და რასაც მოაწერა ხელი. გუშინ უკვე კითხვის ნიშნის ქვეშ დადგა 500 მილიონიანი დახმარების პაკეტის ბედი. ეს არის მილიარდ ნახევარი ევრო საქართველოსთვის, რაც ძალიან მნიშვნელოვანი თანხაა. ეს არ არის კრედიტი, ეს არ არის ვალი, ეს არის ნაჩუქარი თანხა და არ შეიძლება, რომ ასეთ მნიშვნელოვან საკითხებზე იყოს ასეთი დამოკიდებულება“, - განაცხადა თამარ ჩუგოშვილმა.

---

ავტორი: ლუკა ცარციძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი