პრემიერ-მინისტრი ირაკლი ღარიბაშვილი დარწმუნებულია, რომ "ნაციონალური მოძრაობის" დეპუტატი გიორგი კარბელაშვილი მომხდარი ინციდენტის დროს ნარკოტიკების ზემოქმედების ქვეშ იმყოფებოდა.

პრემიერის განცხადებით, არც ერთი ადამიანი არ დარჩება დაუსჯელი, ვინც კანონს დაარღვევს.

"არც ერთი ადამიანი არ დარჩება დაუსჯელი, ვინც კანონს დაარღვევს. იქნება ეს კარბელაშვილი, იქნება ეს ჩვენი დეპუტატი, მინისტრი თუ სხვა. ნებისმიერი მოქალაქე, ვინც ქართული პოლიციის წინააღმდეგ, რაიმე ქმედებას განახორციელებს, ის იქნება კანონის შესაბამისად მკაცრად დასჯილი. ეს არის ჩემი პოზიცია და ამას მტკიცედ დავიცავ. ყველას მოვუწოდებ, პირველ რიგში, პროვოკატორებს, რომლებიც ცდილობენ, რომ ქართული პოლიციის სახელი შებღალონ, მათი ეს მცდელობა დასრულდება კრახით. ისინი დაისჯებიან სამაგალითოდ, იქნება ეს კარბელაშვილი თუ ნებისმიერი სხვა, ბარამიძე, რომლებიც პირდაპირ პროვოცირებენ და იწვევენ ჩვენს პოლიციელებს. მადლობა მინდა გადავუხადო ჩვენს პოლიციას ასეთი ღირსეული და პროფესიონალური მოქცევისთვის და კიდევ ერთხელ აღვნიშნო, რომ ყველა ასეთი ფაქტი იქნება გამოძიებული და ყველა კანონდამრღვევი იქნება დასჯილი. დარწმუნებული ვარ, რომ ეს ადამიანი იყო ნარკოტიკული ზემოქმედების ქვეშ. სხვა შემთხვევაში ასეთ ბოდვებს და სისულელეებს არ მოიგონებდა", - განაცხადა ირაკლი ღარიბაშვილმა.

შეგახსენებთ, დეპუტატი გიორგი კარბელაშვილი რამდენიმესაათიანი პატიმრობის შემდეგ გაათავისუფლეს. დეპუტატის თქმით, ის 6 საათის განმავლობაში გატაცებული იყო და ცხინვალის მიმართულებით მიჰყავდათ. მოგვიანებით შინაგან საქმეთა სამინისტრომ კარბელაშვილთან დაკავშირებით მომხდარი ინციდენტის ამსახველი ვიდეომასალა გაავრცელა. შსს-ში აცხადებენ, რომ დეპუტატის განცხადებები გაიტაცებასთან და ფიზიკურ შეურაცხყოფასთან დაკავშირებით სიმართლეს არ შეესაბამება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ომბუდსმენის აპარატში რეორგანიზაციის შედეგად სამი დეპარტამენტი გაუქმდა, მათ შორის გენდერის საკითხების

Visa+ საქართველოში - თიბისი და Visa საერთაშორისო გადარიცხვებს ამარტივებენ

ჩვენი სახელით სესხს სთავაზობენ - ეროვნული ბანკი მოქალაქეებს აფრთხილებს

გვარამიამ ითხოვა, დადგინდეს ომის დაწყებაზე რა პოზიცია აქვს ხელისუფლებას საერთაშორისო დონეზე - საკონსტიტუციომ არ დააკმაყოფილა