რესპუბლიკური საავადმყოფოს საკარანტინო სივრცეში მყოფი 44 პაციენტიდან 17-ს დღეს გაწერენ.

როგორც საავადმყოფოს დირექტორი ლევან გოფოძე ამბობს, აუცილებელია გაწერილი პაციენტები თვითიზოლაციაში დარჩნენ.

 „გასაწერად ანუ ბინაზე დაკვირვებისთვის გადასაყვანად ვამზადებთ 17 მოქალაქეს. მათი მონაცემები გაიგზავნა უკვე დაავადებათა კონტროლის ცენტრში და ველოდებით მათგან პასუხს. როგორც კი მოგვივა, ეს მოქალაქეები მზად არიან, რათა თვითიზოლაციის რეჟიმში გადავიდნენ. საგანგებო სამსახური ამოწმებს მათ საბინაო პირობებს, რამდენად არის შესაძლებელი მათი თვითიზოლაცია. შეიძლება განაცხადოს მოქალაქემ, რომ აქვს ამის პირობები და სინამდვილეში არ აღმოჩნდეს. როგორც კი ეს დადგინდება, ამის შემდგომ ვიღებთ მატან ინფორმაციას, რომ მზად არიან ისინი გასაწერად მოდის სპეციალური ტრანსპორტი და გადაჰყავს პაციენტები ბინაზე“, - განაცხადა ლევან გოფოძემ.

ცნობისთვის, ამ დროისთვის საქართველოს მასშტაბით კარანტინის რეჟიმში 162 ადამიანი იმყოფება. საკარანტინო ზონებია მოწყობილი თბილისში, აბასთუმანში, საჩხერესა და ქუთაისში. კორონავირუსით ინფიცირებული ადამიანთა რაოდენობა 9-ს შეადგენს.

ავტორი: ექსპრესნიუსი,

სოციალური ქსელები

კომუნიკაციების კომისიამ ტერმინების გამო ფორმულა 2 500 ლარით დააჯარიმა

საგამოძიებოს ცნობით, კორუფციულ და საფინანსო-ეკონომიკურ სფეროში ჩადენილი სამი დანაშაულებრივი ფაქტი გამოავლინეს

სასამართლოს გადაწყვეტილებით, EU-ს ტრასტებში შენახული რუსული აქტივების გაყინვაც შეუძლია

ყაზახეთმა ქვეყანაში „გაზპრომის“ აქტივების ჩამორთმევის ნებართვა გასცა უკრაინის მიერ შეტანილი 1.4 მილიარდი დოლარის ოდენობის სარჩელის შემდეგ