პენსიონერის სოციალური მდგომარეობის შეფასების ინდექსი 1.1-დან 1.8-მდე გაიზარდა

2015-07-30 15:29:24, 455 ნახვა

პოლიტიკა

პენსიონერების სოციალურ მდგომარეობის შეფასების მეთოდოლოგიაში მორიგი ცვლილება განხორციელა.

უახლოეს დღეებში პენსიონერების მდგომარეობის თავიდან შეფასება დაიწყება, რომელთა ქულები 1.1 ინდექსით დაითვალეს.

"დღეს მთავრობამ დაადასტურა ჩვენი პროექტი და გაზრდილი კოეფიციენტი მიენიჭებათ პენსიონერებს. ეს მოგვცემს საშუალებას, რომ რამდენიმე დღეში მოხდეს გადათვლა. ამისთვის საჭირო არის მათი ქონების თავიდან შეფასება და რამდენიმე დღეში შევძლებთ, დახმარება განვახორციელოთ, დავუბალანსოთ ის სოციალური დახმარების აცდენა. დღეის მდგომარეობით, 3700 ბენეფიციარს მოეხსნა ბოლო ორი თვის განმავლობაში ეს დახმარება. მექანიზმი იქნება ასეთი, რომ მარტოხელა პენსიონერს ჰქონდა ინდექსი 1.1, ანუ ერთზე არც თუ ისე მაღალი, რაც არ ანიჭებდა მას შესაძლებლობას, მიეღო ეს პრივილეგია, გაიზარდა 1.8 მდე. შესაბამისად გადაითვლება და რა ქულაც გამოვა, ავტომატურად გადაანგარიშდება მათი სოციალური მდგომარეობა",- განაცხადა დავით სერგეენკომ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან