შალვა კერესელიძემ გუდაური-კობის მონაკვეთზე შექმნილი ზვავსაშიშროების გამო გაჩერებული ავტომანქანების მგზავრები მოინახულა

მცხეთა-სტეფანწმინდა-ლარსის საავტომობილო გზის გუდაური-კობის მონაკვეთზე, ინტენსიური თოვის შედეგად შექმნილი ზვავსაშიშროების გამო, უკვე ორი დღეა გადაადგილება ყველა სახის სატრანსპორტო საშუალებისთვის აკრძალულია. გზაზე გაჩერებული მგზავრების სიცოცხლეს საფრთხე არ ემუქრება. გაწმენდითი სამუშაოები შესაბამისი მეტეოროლოგიური პირობების დადგომისთანავე დაიწყება, რის შემდეგაც ავტომანქანები გზის გაგრძელებას შეძლებენ.

ადგილზე არსებულ სიტუაციას მცხეთა-მთიანეთის სახელმწიფო რწმუნებული შალვა კერესელიძე, დუშეთის მუნიციპალიტეტის მერის მოადგილესთან ზაქრო ხეხელაშვილთან ერთად გაეცნო. ხელისუფლების წარმომადგენლებმა მგზავრებს ცხელი საკვები მიუტანეს და შექმნილი მდგომარეობის შესახებ ინფორმაცია მიაწოდეს.

ვითარების რეგულირების პროცესში ჩართულები არიან შინაგან საქმეთა სამინისტროს,  რეგიონული განვითარებისა და ინფრასტრუქტურის სამინისტროსა და ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შესაბამისი უწყებები, მცხეთა-მთიანეთის სახელმწიფო რწმუნებულის ადმინისტრაცია და ადგილობრივი თვითმმართველობა.

ავტორი: ექსპრესნიუსი,

სოციალური ქსელები

მახაშვილი - ევროკომისიის წლიური ანგარიში ჩვენი ქვეყნის შიდა საქმეებში არაპროპორციული ჩარევა და სუვერენიტეტზე პირდაპირი თავდასხმაა

სწრაფი საერთაშორისო გადარიცხვები ბიზნესისთვის - საქართველოს ბანკმა AI-ის დანერგვისთვის Global Finance-ის ჯილდო მიიღო

11-17 ნოემბერს საქართველოს ბანკი და LEAF-ი საერთაშორისო განათლების რეგიონულ ტურს 4 ქალაქში გამართავს

„თეგეტა“ და BTU სტრატეგიულ თანამშრომლობას იწყებენ - ბიზნესისა და ტექნოლოგიების უნივერსიტეტში მემორანდუმი გაფორმდა