2020-01-17 14:02:19, 2142 ნახვა
პოლიტიკა
თალაკვაძე: იმედი მაქვს, ოპოზიციასთან დიალოგის შემდეგი რაუნდი უფრო კონსტრუქციული იქნება
„იმედი მაქვს, პოლიტიკური დიალოგის შემდეგი რაუნდი უფრო კონსტრუქციული იქნება“, - ამის შესახებ პარლამენტის თავმჯდომარემ, არჩილ თალაკვაძემ ბიურის სხდომაზე განაცხადა.
თალაკვაძის თქმით, მმართველ პარტიასა და ოპოზიციას შორის დიალოგის შემდეგი რაუნდი, სავარაუდოდ იანვრის ბოლომდე გაიმართება.
„იმედი მაქვს, პოლიტიკური დიალოგის შემდეგი რაუნდი, რომელიც სავარაუდოდ იანვრის ბოლომდე ჩატარდება, უფრო კონსტრუქციული იქნება, ჩვენ შევძლებთ გარკვეული, საერთო შეთანხმების მოძებნას და ქვეყანა უკვე ნორმალურ რეჟიმში დაიწყებს მომზადებას 2020-ის საპარლამენტო არჩევნებისთვის“ ,- განაცხადა არჩილ თალაკვაძემ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
